Ibrani 5:12 - Muna Southern Dialect

¹² Sakotuꞌuno ingka temponomo membaliomu guru, tamaka koꞌulaꞌano ingka nandoo nofaraluu damoinaꞌuangkoomu kafetompunaꞌino dopoguhuꞌao bhoasaono Lahataꞌala. Hintimiu tabeano mohoꞌuomu kaowu oeno titi, paeꞌo mepooliomu oti motuꞌa.

Ibrani 5:12 Iomraidhean Croise

Matius 17:17

Nopugaumo Yesus ambano, “Pahasili hintimiu, mie tapa marasaeano bhe kolilinono totono lalo! Tana seꞌae gahaꞌa beano so kaomponano aeate bhe hintimiu? Tana seꞌae bhahaa so sabahaku? Owaeꞌomu se ini anaꞌi itu!”

Markus 9:19

Maka Yesus nopugaumo ambano, “Pahasili hintimiu ini, mie pata marasaeano! Tana seꞌae gahaꞌa beano so kaomponano aeate bhe hintimiu? Tana seꞌae gahaꞌa so sabahaku? Owaeꞌomu se ini anaꞌi itu.”

Tula-tulando rasulu 7:38

Wakutuuno umatino Israel dohompu we pandaso bhalano, Musamo dua ini membalino poatoꞌaono wambano malaꞌekati bhe awuaꞌintoomu. O malaꞌekati naꞌa nokowamba ne Musa te kabhawono Sinai. Ingka anoamo dua tumahimano bhoasao meowano dadi maiꞌaono ne Ompu Lahataꞌala so nefosampe ne hintimiu.

Roma 3:2

Ingka nobhahi sepaliꞌa, tanofegiu. Katandaꞌano ne miendomo Yahudi katiposahunaꞌaoꞌano bhoasaono Lahataꞌala.

1 Korintus 14:19

Tamaka weo pohompu-hompuꞌando umati naetaa apugau lima wobha kaowu tilosangino so amoinaꞌuꞌao mie bhaiku, bhe apugauꞌao hewu lasa wambano Rohi.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

Galatia 4:3

Pedamo dua intaodiomu, nandoo kaanaꞌintoomu ⸤ maꞌanano miinaꞌo damarasaeaꞌomu ne Kristus⸥ nofobhatua kaita sabhaha rohi modai ne dhunia ini.

Filipi 3:1

Panda-pandano, bhahitieꞌiku, fowula lalomiu mbaꞌinomo seꞌiseomu bhe Ompu. Miina naobhie laloku amenduaꞌangkoomu nebuhiku endefiꞌini, hampano aitu netaa so katohopono kaparasaea ⸤ keana nepingka-pingka⸥ .

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Ibrani 10:32

Feꞌulaiꞌeomu kumundoꞌano. Wakutuu anaꞌa, pada notilakoomu tilangano Lahataꞌala, nobhahi meꞌawaomu kakadee-dee, tamaka sadaa-daa potaami bhe poewangiomu.

Ibrani 5:11

Sakotuꞌuno nandoo nobhahi so nepugauꞌao mani pokaiꞌano bhe nesambili mani saꞌituini, tamaka ingka nomahasai tatumalesaane, hampano kaluntuno melosangiomu.

Ibrani 5:13

Kapaꞌamo laꞌae mefaraluuno oeno titi miinaꞌo naelosangi kafoinaꞌuno habu metaa bhe habu modai, ingka nandoo noanaꞌi mohobu.

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.