Ibrani 5:1 - Muna Southern Dialect

¹ Seemie Imamu Bhalano sadhia dopilie maiꞌao ne manusia, maka dosangkee so meompuno ne Lahataꞌala nowakiliꞌao manusia bhaino. O takano nefoampe kawaꞌao bhe kapopanga nesumbele ne Lahataꞌala so katiꞌamponiꞌano dhosa.

Ibrani 5:1 Iomraidhean Croise

Roma 15:17

Dadiꞌanomo weo kaseꞌiseku bhe Kristus Yesus nowose bhakeku nembali adhalangi takaku ini so Lahataꞌala.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

Ibrani 10:11

Seemie-seemie imamuno agama Yahudi nodhalangi takano seꞌo-seꞌoleo bhe tanofendu-fenduamo nefoampe kapopanga. Tamaka kapopanga naꞌa pae bhe kapoolia naetolosi dhosa.

Ibrani 10:12

Tamaka Imamu seemieno maitu nefoampe kapopanga sehonda kaowu mbali katolosino dhosa, nolaku ampa suhue dhamani. Palusi anaꞌa nengkohamo ne suanano Lahataꞌala.

Ibrani 11:4

Hampano kaparasaeano, Habel nefoampe kapopanga metaa, noliuꞌe kapopangano Kain. Hampano kaparasaeano maitu Habel nosambili metaaꞌe Lahataꞌala peda seemie banara, mbaꞌinomo kapopangano maitu noꞌiaꞌane Lahataꞌala. Habel nomatemo, tamaka hampano kaparasaeano maitu, ampa aitu kao-kaomo nandoo sadhia nopugau.

Ibrani 2:17

Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.

Ibrani 7:27

Anoa nopoꞌala bhe Imamu Bhalano sigaoꞌano, andoa defoampe kapopanga seꞌo-seꞌoleo, tabeano mbali dhosando wutondo kadeki maka mbali dhosando umati bhahino. Tamaka Yesus nefoampe kapopanga sepaku kaowu ampa suhue dhamani, wakutuuno nofoampe Wutono mbali kapopanga.

Ibrani 8:3

Seemie-seemie Imamu Bhalano dosangkee so naefoampeꞌao kawaꞌao bhe kapopanga nesumbele ne Lahataꞌala. Pedamo dua aitu Imamuntoomu nofaraluu dua bhe nefoampeno.

Ibrani 8:4

Ane ibahano naeate we dhunia ini, ingka pae naembalia imamu hampano dobhahimo imamu mefoampeno kapopanga doangkafi tubhono agama Yahudi.

Ibrani 9:9

Aini o kaꞌibahatinomo dhamani ampa aitu, maꞌanano sabhaha kawaꞌao bhe kapopanga nesumbele nefoampendo manusia miina namooliea nofosangka totono lalondo manusia meowano kapopanga maitu.