Ibrani 4:2 - Muna Southern Dialect

² Kapaꞌamo Bhihita Metaa ingka padamo dofolelee ne intaodiomu pedamo dua ne andoa. Ampamo kaowu Bhihita Metaa miina nakofahalaaꞌa so andoa hampano dofetingkee tamaka miina dapoangkafiane bhe kaparasaea.

Ibrani 4:2 Iomraidhean Croise

Tula-tulando rasulu 13:46

Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Roma 2:25

Kasuna daanumo nokofahalaa, sumanomo dhalangieꞌomu tubhono agama Yahudi; tamaka ane pae dhumalangieꞌomu miina sepaliꞌa bhe fahalaanoa, tapototomoomu bhe mie pata nesuna.

Roma 3:3

Tamaka peda aꞌe bhahaa? Ingka nandoo miendo Yahudi tapa marasaeano bhe tapa tumaino lalo ne Lahataꞌala. Bhahaa pata kaparasaeando bhe kataino lalondo naꞌa namosali dua kataino lalono Lahataꞌala?

1 Korintus 13:3

Mahinggamo sabhaha kanandooku adumawu-dawuandae mie mokae, bhahamoa amotawakala wutoku datumunu kanau, tamaka ane pae bhe kanini kaasiku, ingka miina sepaliꞌa bhe fahalaanoa so idia.

Galatia 3:2

Soba fohato kanauꞌomu sehondano ini: bhahaa metahimaomu Rohino Lahataꞌala mbaꞌinomo dhalangiomu tubhono agama Yahudi, bhahaa mbaꞌinomo fetingkeomu Bhihita Metaa bhe parasaeaꞌomu ne Kristus?

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

Galatia 4:13

Ingka pandeꞌaaneomu, pakatandano afohatoangkoomu Bhihita Metaa, hampano aosaki.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

Ibrani 11:6

Ane pae bhe kaparasaea, manusia pae bhe kapoolia namekaꞌia lalono Lahataꞌala. Kapaꞌamo laꞌae maꞌotino Lahataꞌala tabeano noparasaea mpuu nandoo bhe Lahataꞌala, bhe noparasaea dua Lahataꞌala nefontaa-ntaa ponambo so mie umondofie.

Ibrani 3:12

Bhahitieꞌiku! Posiꞌondoomu, koise bhe kolalo modaino bhe tapa marasaeano ne olotamiu itu, sampe nokukundo Lahataꞌala dumadino.

Ibrani 4:6

Aini nokomaꞌana, mie kabhao-bhaono metingkeno Bhihita Metaa miina damesua we liwu kafewuleꞌa naꞌa hampano miina daeangkaa. Ane peda anaꞌa ingka nentaleamo dua putae nandoo mie sigaoꞌano so mesuaꞌano we kafewuleꞌa naꞌa.

Yakobus 1:21

Dadiꞌanomo ohoeꞌomu toha podiu mohaku bhe sabhaha kanea modai. Fekamalu lalomiu bhe tahimaeꞌomu bhoasaono Lahataꞌala toka netisa weo totono lalomiu, kapaꞌamo bhoasao aitu nokokuasa namosalamatikoomu.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.