Ibrani 4:11 - Muna Southern Dialect

¹¹ Dadiꞌanomo, ulei kaitaomu lalontoomu so damesuaꞌao we kafewuleꞌa nedhandiꞌaono Lahataꞌala naꞌa, keana bhe binasano hampano doangkafi sandahando mie pata meangkano endefiꞌini.

Ibrani 4:11 Iomraidhean Croise

Matius 11:12

Notanda Yohanes notiumba taꞌampa aitu, Kafopahintaꞌano Lahataꞌala doewangie, mewangie naꞌa dokopatudhu dasumaohi bukue.

Matius 7:13

Pesuaꞌomu ne fointo mosekeꞌano, kapaꞌamo neꞌewa fointo bhe nolalesa kaangkaꞌa humopeꞌano we narakaa, pakade dobhahi mie mangkaiꞌe.

Lukas 13:24

Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Tula-tulando rasulu 26:19

Dadiꞌanomo, kolaki Agripa, pae bhe kapoolia pae amangkafi powohaku maiꞌaono te surugaa maitu.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 5:6

Koise dobhohe-bhoheꞌiangkoomu sabhaha pugau tapa kofahalaa, kapaꞌamo podiu medando naꞌa neowa amahano Lahataꞌala ne mie tapa meangkano.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Kolose 3:6

Kosasawiꞌae itu saneamo meowano amahano Lahataꞌala ne mie tapa meangkano.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

Ibrani 3:12

Bhahitieꞌiku! Posiꞌondoomu, koise bhe kolalo modaino bhe tapa marasaeano ne olotamiu itu, sampe nokukundo Lahataꞌala dumadino.

Ibrani 3:18

Laꞌae bhahaa netundano Lahataꞌala putae paise sepaliꞌa damesua we liwu kafewuleꞌa nefontaa-ntaano? Ingka andoa pata meangkano.

Ibrani 4:6

Aini nokomaꞌana, mie kabhao-bhaono metingkeno Bhihita Metaa miina damesua we liwu kafewuleꞌa naꞌa hampano miina daeangkaa. Ane peda anaꞌa ingka nentaleamo dua putae nandoo mie sigaoꞌano so mesuaꞌano we kafewuleꞌa naꞌa.

Ibrani 6:11

Gao mani mpuu hintimiu seemie-seemie motiwohaomu kansuhu kakampuu-mpuuno lalomiu ampa we kapuliaono, sampe neanta-antagimiu kotu-kotuꞌu nakoꞌulamo.

2 Petrus 2:6

Pedamo dua anaꞌa ne kotano Sodom bhe Gomora, Lahataꞌala nohukumuda nohampunianda efi, somo sandahano so kumadhadhiano ne mie modai.