Ibrani 3:5 - Muna Southern Dialect

⁵ Anabii Musa daanumo notuhu lalono peda seemie palima-lima weo polambuno Lahataꞌala, pugauno bhe kahadhaano nofosusuꞌao so nekobhoasaꞌaono Ompu mada kaowu.

Ibrani 3:5 Iomraidhean Croise

Matius 24:45

“Laꞌae bhahaa bhatua motuhuno lalo bhe mandeno maitu? Anoamo maitu nesangkeno kafeompuꞌano so neangkando bhatua bhaino, naetaganaanda daomaa napobutu bhe tempono.

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Lukas 12:42

Ambano Ompu Yesus, “Kaowu laꞌae bhahaa mie mandeꞌaono lambuno kafeompuꞌano motuhuno lalo bhe kotimbangino maitu? Anoamo maitu so nesangkeno kafeompuꞌa so neangkando kosasawindo bhatua so metaganaanda daomaa napobutu bhe tempono.

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’

Roma 3:21

Tamaka ampa aitu Lahataꞌala padamo nofosusuꞌao kaangkaꞌa so datitahimaꞌao peda mie banara, o kaangkaꞌa tapa pokaiꞌano bhe tubhono agama Yahudi. Gahaꞌaitu kaangkaꞌa anaꞌa daanumo dosambilie dua weo Kitabino anabii Musa bhe Kitabindo anabii sigaoꞌano.

1 Korintus 4:2

Sifati neꞌondofi ne mie neposahunaꞌao peda anaꞌa, ingka o kataino lalono ne kafeompuꞌano.

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

Ibrani 1:1

Ne dhamani wawono Lahataꞌala nofendu-fenduaꞌe nokobhoasao ne awuaꞌintoomu noangka ne ana-anabii nepake sabhaha dhala.

Ibrani 3:2

Anoa notuhu mpuu lalono ne Lahataꞌala toka sumangkee, pedamo dua endefiꞌini anabii Musa notuhu mpuu lalono nodhalangi takano weo polambuno Lahataꞌala.

Ibrani 3:4

Daanumo seꞌo-seꞌonu lambu dofoehee pande, tamaka moeheno bhahi-bhahiꞌae ndumandoono ingka wutono Lahataꞌala.

Ibrani 8:5

Kahadhaando dembali imamu maitu sakotuꞌuno mbali kaowu sandaha bhe kaꞌibahati ndumandooꞌano te surugaa. Aini noposahataa bhe bhoasaono Lahataꞌala ne anabii Musa endefiꞌini wakutuuno nefoehe tenda kaeateꞌano Lahataꞌala. Lahataꞌala nokobhoasao peda aini, “Tandaiꞌe! Bhahi-bhahiꞌae itu tetewei humabue angkafi sandaha nefotiwoha ne hintu te kabhawo.”

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

Powoha 15:3

Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!