Ibrani 3:2 - Muna Southern Dialect

² Anoa notuhu mpuu lalono ne Lahataꞌala toka sumangkee, pedamo dua endefiꞌini anabii Musa notuhu mpuu lalono nodhalangi takano weo polambuno Lahataꞌala.

Ibrani 3:2 Iomraidhean Croise

Yohanes 15:10

Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Yohanes 17:4

Idi padamo afotiwoha kakalabhiamu we dhunia, hampano padamo adhalangi kahadhaa netuduꞌaomu ne Idi.

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

Yohanes 8:29

Anoa tumudu kanau sadhia nopobhai kanau. Anoa miina nakumataho kanau amoisa, hampano sadhia akahadhaa posahataano bhe kapoindalono.”

Efesus 2:22

Hampano kaseꞌisemiu bhe Kristus, maka hintimiu dua tangasano dopotudu-tudumiangkoomu bhe mie bhaimiu membaliomu seꞌonu lambu so Lahataꞌala, somo kaeateꞌano Rohino.

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

Ibrani 2:17

Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.