Ibrani 2:9 - Muna Southern Dialect

⁹ Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.

Ibrani 2:9 Iomraidhean Croise

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Matius 6:28

Noafa nomihiꞌao lalomiu bhahaꞌi mepakeomu ae? Soba ondoomu kamba-kamba we pada; miina dakumahadhaa, miina dua damoohu.

Markus 9:1

Ambano toha, “Amohatokoomu, kotu-kotuꞌu ne olotamiu ini nandoo so pataꞌo mateno, ane pae kadeki daoha Kafopahintaꞌano Lahataꞌala nahumato bhe kuasano.”

Lukas 9:27

Amohatokoomu, kotu-kotuꞌu ne olotando mie meehe-eheno aitu nandoo so tapaꞌo mateno ane paeꞌo daoha Kafopahintaꞌano Lahataꞌala.”

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Yohanes 10:17

Amaku noasi kanau, mbaꞌinomo afowaꞌao inawaku, neanomo sumuli aꞌumawae.

Yohanes 12:32

O Idi ini mada kaowu dasumangke kanau te melangkeꞌano te wawono dhunia ini, maka kosasawindo mie ahumelada damai se Idi.”

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 8:51

Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

Yohanes 8:52

Ambado miendo Yahudi, “Aitu tapandeꞌaanemo mpuu nopesuakikomo seetani, kapaꞌamo Abraham nomatemo, pedamo dua kosasawindo anabii, tamaka ingka hintu pugau sasuka mangkafino pugaumu pae naenamisi mate ampa suhue dhamani.

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Roma 5:18

Dadiꞌanomo dhohono kaꞌalano mie seemie kosasawindo manusia deꞌawa kahukumu, pedamo aitu hampano sehonda habu banara kosasawindo manusia notahimada Lahataꞌala peda mie banara, meowanomo dadi.

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

2 Korintus 5:15

Kristus padamo nomate so kosasawindo manusia, neanomo manusia dumadino paemo dadumadi so wutondo tamaka so Kristus toka mateanda bhe nefowanu maiꞌao ne mate.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

1 Timotius 2:6

Anoa ini noowa Wutono mbali katolosino dhosando kosasawindo manusia. Pedamo anaꞌa Lahataꞌala nofotiwohamo kakampuu-mpuuno nofosalamati manusia ne tempo toka nefotantuno.

Ibrani 1:9

Moasiane kabanara, bansie podiu modai. Kanandooꞌanomo o Idi, Lahataꞌalamu, aminakikomo mbali tandano apiliko, awaꞌangko kawulano lalo maka liudamo sabhangkaꞌimu.”

Ibrani 10:5

Kanandooꞌanomo wakuutuno Kristus nopesua ne dhunia ini, nopugaumo ⸤ ne Lahataꞌala⸥ , “Hintu miina moindaloe kafoampe bhe kapopanga nesumbele, tamaka padamo mefotoka kanau mbadhaku.

Ibrani 11:5

Hampano kaparasaeano, Henok notisangke sampe miina naenamisi mate. Bhe naseemie miina bhe poꞌawaane hampano padamo nosangkee Lahataꞌala. Notibuhi weo Kitabi, miinaꞌo natisangke, Henok seemie mekaꞌiano lalono Lahataꞌala.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 2:7

Sekabantaha fosampue seendai we pandado malaꞌekati, padamo dua waꞌane kaengkohaꞌa kumalabhia bhe tifosibhala peda omputo.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Ibrani 8:3

Seemie-seemie Imamu Bhalano dosangkee so naefoampeꞌao kawaꞌao bhe kapopanga nesumbele ne Lahataꞌala. Pedamo dua aitu Imamuntoomu nofaraluu dua bhe nefoampeno.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.

Powoha 19:12

Matano mie amaitu pasae hendeno efi, te fotuno noposunsu-sunsu songkono omputo. Ne uluno notibuhi neano, tamaka miina bhe mandeꞌaanea mpahinomo wutono.

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.