Ibrani 2:4 - Muna Southern Dialect

⁴ We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.

Ibrani 2:4 Iomraidhean Croise

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Markus 6:14

Kolaki Herodes nofetingke dua giu nehabuno Yesus, mbaꞌinomo neano notiende-endemo ne amai liwu. Nandoo mugauno, “Yohanes Fokadiuno nodadimo toha! Kakokuasaꞌanomo nehabu giu timenteꞌaono!”

Yohanes 15:26

Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.

Yohanes 4:48

Ambano Yesus, “Ane paise mohaomu tanda tapa mentela bhe giu timenteꞌaono, paise marasaeaꞌomu.”

Tula-tulando rasulu 14:3

Nompona dua Paulus bhe Barnabas deate-ate ne itu. Dokado defolele bhihitano Ompu. Wutono Ompu nofekatangka bhihitano rahamatino, nowaꞌanda kuasa daehabu tanda-tanda tapa mentela bhe giu timenteꞌaono.

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Efesus 4:7

Tamaka intaodiomu seemie-seemie nowaꞌa kaita kawaꞌao nengkamoisaꞌao, noposahataa bhe kabhalano kataano lalono Kristus.

Ibrani 6:4

Kapaꞌamo ane bhe mie kumukundono Lahataꞌala, miinamo bhe dhalano dasumuli dametompaꞌao dhosando. Endefiꞌini padamo notilada tilangano Lahataꞌala, denamisimo kadawuno surugaa bhe padamo dua dotahima Rohino Lahataꞌala peda bhaindo.