Ibrani 2:3 - Muna Southern Dialect

³ ⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Ibrani 2:3 Iomraidhean Croise

Matius 23:33

Hintimiu ule, sampuꞌando ule modai! Koe fehoo-hooꞌomu lumapaomu ne kahukumuno narakaa.

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”

Markus 1:14

Notitohongku kaowu Yohanes, Yesus nokalamo we Galilea. Nefolele Bhihita Metaa maiꞌaono ne Lahataꞌala.

Lukas 1:2

Nebuhindo naꞌa nopokantibha bhe bhihita netahimantoomu ne mie mohaꞌaono wuntano matano kadhadhia anaꞌa mpini kabhao-bhaono bhe molelenomo dua bhihita anaꞌa.

Lukas 1:69

Anoa nefoehe seemie fosalamatino kokuasano, nomaiꞌao ne sampuꞌano omputo Daud palima-limano.

Lukas 24:19

Ambano Yesus, “O ae bhahaa?” Dotobhoosimo ambado, “Kadhadhiano Yesus miendo Nasaret. Anoa seemie anabii, pugauno bhe habuno nokokuasa weo pomatano Lahataꞌala bhe weo pomatano kosasawindo mie.

Yohanes 15:27

Pedamo dua hintimiu, tetewei dua sumakusii kanauꞌomu, kapaꞌamo pobhai kanauꞌomu mpini kabhao-bhaono.”

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 2:3

Hintimiu manusia humabuno dua peda habundo mie nefoꞌalamiu itu, bhahaa kunaꞌemiu lumapaomu ne kahukumuno Lahataꞌala?

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Tesalonika 5:3

Ane dopugau, “Ingka notohopo, noꞌamani dadintoomu”, ne naꞌamo dua tambaꞌomo nakumangkanaida balaa kabinasaꞌa, maka paise bhe so lumapanoa. Kadhadhia amaitu tanamisihatoꞌamo nada kaleano hobhine so koanano.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Titus 2:11

Kapugauꞌaku peda anaꞌa, kapaꞌamo Lahataꞌala padamo nofotiwoha rahamatino nofosalamati kosasawindo manusia.

Ibrani 1:1

Ne dhamani wawono Lahataꞌala nofendu-fenduaꞌe nokobhoasao ne awuaꞌintoomu noangka ne ana-anabii nepake sabhaha dhala.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Ibrani 1:2

Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

Ibrani 4:11

Dadiꞌanomo, ulei kaitaomu lalontoomu so damesuaꞌao we kafewuleꞌa nedhandiꞌaono Lahataꞌala naꞌa, keana bhe binasano hampano doangkafi sandahando mie pata meangkano endefiꞌini.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.

Yudas 1:17

Tamaka hintimiu bhahitieꞌiku timoasiꞌaono, feꞌulaiꞌeomu wambado rasuluꞌino Ompuntoomu Yesus Kristus.

Powoha 7:10

Dokei fekahaa-haaꞌi ambado, “Kasalamatintoomu nomaiꞌao ne Lahataꞌalantoomu mengkohano te kaengkohaꞌa kumalabhiano bhe nomaiꞌao ne Anano Dhumba.”