Ibrani 2:18 - Muna Southern Dialect

¹⁸ Hampano wutono Yesus padamo nokadee-dee weo sabhaha kasoba neꞌawano, maka Anoa nembali netulumi mie meꞌawano kasoba.

Ibrani 2:18 Iomraidhean Croise

Lukas 22:28

Hintimiu sadaa-daa pobhai kanauꞌomu weo sabhaha kasabha netompaloiku.

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”

Yohanes 10:29

Kapaꞌamo Amaku maꞌa kanau andoa maitu, nofofoliu kabhalano kuasano. Dadiꞌanomo bhe naseemie pae bhe so mondoino so magoida ne limano Amaku.

1 Korintus 10:13

Sabhaha kasoba netompaloimiu saneamo kasoba moneaꞌano netompaloindo manusia. Lahataꞌala nokampuu-mpuu ne dhandino, paise nakumatahokoomu meꞌawaomu kasoba sampe nalumiuꞌe kaꞌosamiua. Ane metompaloiꞌomu kasoba tetewei namaꞌangkoomu dua dhala, sampe naembali potaamiomu.

Filipi 3:21

Nahumato kaowu Kristus nabhalii mbadha kasarantoomu monaleno ini naembali nasekatu bhe mbadhano wutono kumalabhiano. Kanandooꞌano peda anaꞌa mbaꞌinomo Kristus nokokuasa namotuhu sabhaha ndumandoono ne wiseno.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.

2 Petrus 2:9

Bhahi-bhahiꞌae maitu nofotiwohamo putae Ompu nopandeꞌaane nofosalamati mie banara maiꞌao ne sabhaha kasabha bhe nopandeꞌaane dua nohunsa mie modai ampa nahumukumuda nahumato oleo so katibhotusiꞌando,

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.