Ibrani 13:7 - Muna Southern Dialect

⁷ Feꞌulaidaomu neangkamiu toka mefosampeangkoomu bhoasaono Lahataꞌala. Ondoomu kodadindo bhe komatendo, maka mesandahaomu ne kaparasaeando.

Ibrani 13:7 Iomraidhean Croise

Matius 24:45

“Laꞌae bhahaa bhatua motuhuno lalo bhe mandeno maitu? Anoamo maitu nesangkeno kafeompuꞌano so neangkando bhatua bhaino, naetaganaanda daomaa napobutu bhe tempono.

Lukas 12:42

Ambano Ompu Yesus, “Kaowu laꞌae bhahaa mie mandeꞌaono lambuno kafeompuꞌano motuhuno lalo bhe kotimbangino maitu? Anoamo maitu so nesangkeno kafeompuꞌa so neangkando kosasawindo bhatua so metaganaanda daomaa napobutu bhe tempono.

Lukas 5:1

Sewakutuu Yesus neehe-ehe ne wiwino teꞌino Genesaret, dolibu-libue mie bhahi dametingke bhoasaono Lahataꞌala sampe tadoposeke-sekehemimo.

Lukas 8:11

Maꞌanano kapalenda saꞌituini peda aini. O wine naꞌa bhoasaono Lahataꞌala.

Tula-tulando rasulu 13:46

Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

Tula-tulando rasulu 4:31

Pada dosambahea, lambu kapohompu-hompuꞌando tanomagegomo. Kosasawindo nokabhintidamo Rohino Lahataꞌala maka notangkamo lalondo defolele bhoasaono Lahataꞌala.

Roma 10:17

Dadiꞌanomo o kaparasaea nengkoha ne pofetingke, maka kafetingkeꞌa bhihita, mbaꞌinomo bhe mie mefoleleno bhoasaono Kristus.

1 Korintus 10:13

Sabhaha kasoba netompaloimiu saneamo kasoba moneaꞌano netompaloindo manusia. Lahataꞌala nokampuu-mpuu ne dhandino, paise nakumatahokoomu meꞌawaomu kasoba sampe nalumiuꞌe kaꞌosamiua. Ane metompaloiꞌomu kasoba tetewei namaꞌangkoomu dua dhala, sampe naembali potaamiomu.

1 Korintus 11:1

Angkafiomu sandahaku ini, tapedamo idi ini aangkafi sandahano Kristus.

1 Korintus 4:16

Dadiꞌanomo aesalo mpuu, angkafiomu sandaha nefotiwohaku!

Filipi 3:17

Bhahitieꞌiku, mesandahaomu ne idi. Padamo tafotiwohaangkoomu sandaha metaa, dadiꞌanomo fotinda-tindaeꞌomu mie mesandahano ne insaodi ini.

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

2 Tesalonika 3:7

Ingka pandeꞌaaneomu tabeano mesandahaomu ne insaodi, kapaꞌamo insaodi miina tamantawa wakutuu taeate bhe hintimiu.

2 Tesalonika 3:9

Tahabu peda amaitu, suano mbaꞌinomo miina takohakua takonisalo, tamaka tapoindalo taehabuangkoomu sandaha so neangkafimiu.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Ibrani 13:24

Fosampe kanauꞌomu salam ne kosasawindo neangkamiu bhe kosasawindo umati marasaeano. Bhahitieꞌi maiꞌaono we Italia depakatuangkoomu dua salam.

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Powoha 20:4

Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.

Powoha 6:9

Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.