Ibrani 13:2 - Muna Southern Dialect

² Sadhia mohelasi mefotiampeomu mie tapaꞌo nepandeꞌao weo lambumiu, hampano nandoomo mefotiampeno malaꞌekati, tamaka miina damandeꞌaanea.

Ibrani 13:2 Iomraidhean Croise

Matius 25:35

Kapaꞌamo wakutuuno aoꞌaho pakande kanauꞌomu, wakutuuno nokekele wuꞌuku fefohoꞌuti kanauꞌomu, aembali mie humampe we liwumiu fobutu kanauꞌomu ne lambumiu.

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 25:43

Wakutuuno aembali mie humampe we liwumiu miina mobutu kanauꞌomu ne lambumiu, wakutuuno miina akopakeaꞌa miina mepakeani kanauꞌomu, aosaki bhe atitohongku miina mai umbati kanauꞌomu.’

Tula-tulando rasulu 16:15

Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

Roma 12:13

Tulumidaomu bhahitie marasaeano mokaeno! Fotiampedaomu mie bhaimu mengkalalono!

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

1 Timotius 3:2

Dadiꞌanomo neangkando umati tabeano mie tapa kodengo-dengono, seemie kaowu hobhineno, nopoolie nofewanaki totono lalono, nokotimbangi, nokoꞌadhati, nohelasi nefotiampe mie weo lambuno, bhe nopande nofofoinaꞌu.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

Titus 1:8

Neangkando umati tabeano nohelasi nefotiampe mie weo lambuno, nopoindaloe habu metaa, nopooli nofewanaki totono lalono, nokotimbangi, noꞌadhili bhe nongkilo totono lalono.

1 Petrus 4:9

Pofoti-fotiampeomu ne lambumiu, koise fedeeꞌomu ane bhe mengkahatono we lambumiu.

3 Yohanes 1:5

Bhahitieku nemoasiꞌaoku! Nokampuu-mpuu lalomu weo kahadhaamu ondofao bhahitieꞌi marasaeano, mahinggamo mengkahatono.