Ibrani 13:13 - Muna Southern Dialect

¹³ Dadiꞌanomo mai dokalaomu se Anoa we sembalino kapoliwuꞌa, daeala dawu weo kafekaꞌaebu nenamisino.

Ibrani 13:13 Iomraidhean Croise

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Matius 27:32

Tangasano dohope we simbalino kota, dopoꞌawaꞌaomo seemie miendo Kirene koneaꞌano Simon. Tantara dofosuhu mie aitu natumongku sau salipuno Yesus.

Matius 5:11

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Lukas 9:23

Kosasawindo nofohatodamo ambano, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno seꞌo-seꞌoleo ⸤ maꞌanano doꞌunda mahingga damate⸥ maka namangkafi kanau.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 12:3

Sadhia feꞌulaiꞌomu Yesus potaamino kakadee-dee nopowise bhe mie kodhosa mewangie, keana nondidiki lalomiu maka nobhotu posahunaꞌaomiu.

Ibrani 12:4

Kapaꞌamo weo poewangiꞌamiu bhe dhosa, ingka miinaꞌo namotuhua heamiua.

1 Petrus 4:4

Ampa aitu mie tapa mandeꞌaono Lahataꞌala tadomente mbaꞌinomo miinamo posabhangkaandaomu weo podiu tampahasa pontalabhi-labhino maitu, katiꞌumbuꞌamiumo.