Ibrani 12:3 - Muna Southern Dialect

³ Sadhia feꞌulaiꞌomu Yesus potaamino kakadee-dee nopowise bhe mie kodhosa mewangie, keana nondidiki lalomiu maka nobhotu posahunaꞌaomiu.

Ibrani 12:3 Iomraidhean Croise

Matius 11:19

Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”

Matius 12:24

Tamaka dofetingke amaitu, miendo Farisi dopugaumo ambado, “Kaembaliꞌano mie aini nefolimba seetani hampano nopake kuasano Beelsebul, Kafeompuꞌando seetani.”

Matius 15:2

“Noafa gahaꞌa anaguhuꞌimu maitu dokangkalaꞌi adhatino awuaꞌintoomu, ingka tadohumaamo miina daewanua peda atorano agamantoomu?”

Matius 21:23

Yesus nopesuamo toha weo Lambuno Lahataꞌala. Tangasano nofofoinaꞌu ne itu domaimo neangkaꞌindo imamu bhe kamu-kamungkulaꞌindo Yahudi dofeena ambado, “O ae gahaꞌa kaengkohaꞌano kuasa mehabu sabhaha timenteꞌaono maitu? Nofopooliko laꞌae bhahaa?”

Matius 21:46

Dadiꞌanomo dokopatudhu dahumakoe tamaka doteꞌi mie bhahi, kapaꞌamo mie bhahi maitu doabhi Yesus seemie anabii.

Matius 22:15

Pada anaꞌa miendo Farisi dokalamo dopugau-gau bhahaꞌi nada amai dameena ne Yesus so dametandoꞌao alano wambano.

Lukas 14:1

Sewakutuu ne oleono Sabat, Yesus nokalamo se lambuno seemie neangkando Farisi naomaa ne itu. Kosasawindo mie humatono dofeꞌo-feꞌondoe.

Lukas 15:2

Miendo Farisi bhe pande-pande Kitabi dokamuntu-muntu ambado, “Pahasili, mie aini netahima mie kodhosa bhe nohumaa nopombali-mbalianda.”

Lukas 16:14

Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi.

Lukas 2:34

Pada anaꞌa Simeon nobarakatidamo bhe nopugau ne Maria inano anaꞌi anaꞌa ambano, “Kotu-kotuꞌu anaꞌi aini nofotantuemo Lahataꞌala so miendo Israel bhahino, sigaꞌa namobinasada, sigaꞌa namosalamatida. Anoa somo katandai maiꞌao ne Lahataꞌala, somo dapotaga-tagaliꞌao mie bhahi.

Lukas 5:21

Tamaka pande-pande Kitabi bhe miendo Farisi nokaduku we lalondo, “Laꞌae bhahaa mie aini pototoꞌaono wutono bhe Lahataꞌala? Laꞌae gahaꞌa so meꞌamponino dhosa ane paise wutono Lahataꞌala?”

Yohanes 10:20

Dobhahi mugauno ambado, “Anoa nobheemo, nopesuakiemo seetani. So dua ae metingkeꞌaoꞌomu pugauno?”

Yohanes 18:22

Pada nopugau peda naꞌa seemie dhagano kamali meehe-eheno ne itu lasao nobhantofa Yesus bhe nopugau ambano, “Gahaꞌa peda itu pugau bhe Imamu Bhalano?”

Yohanes 5:16

Dadiꞌanomo miendo Yahudi dofekasabhamo Yesus, hampano nehabu peda maitu ne oleono Sabat.

Yohanes 7:12

Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Yohanes 8:13

Ambado miendo Farisi, “Hintu ini membali sakusiino wutomu, dadiꞌanomo wambamu miina nakumotuꞌua.”

Yohanes 8:52

Ambado miendo Yahudi, “Aitu tapandeꞌaanemo mpuu nopesuakikomo seetani, kapaꞌamo Abraham nomatemo, pedamo dua kosasawindo anabii, tamaka ingka hintu pugau sasuka mangkafino pugaumu pae naenamisi mate ampa suhue dhamani.

Yohanes 8:59

Miendo Yahudi lasao deꞌenepi kontu dabhatumbue, tamaka Yesus nekaꞌuko maka nekalisu nohunsamo Lambuno Lahataꞌala.

Yohanes 9:40

Pugauno Yesus naꞌa dofetingkee dua seemie hodua miendo Farisi ne itu. Dofeenamo ne Yesus ambado, “Patudhumu insaodi taobunto dua gahaꞌa?”

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

2 Korintus 4:16

Dadiꞌanomo insaodi ini miina naotembe lalo mani; mahinggamo mbadha kasara mani wohaꞌano dhulu kasiuru, tamaka totono lalo mani seꞌo-seꞌoleo dopahabuꞌounie.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

2 Tesalonika 3:13

Hintimiu bhahitieꞌi, koise mowoowuleomua habu metaaꞌomu.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 12:5

Molimpuꞌaanemoomu gahaꞌa katangahino Lahataꞌala kumonakoomu anaꞌino? Ingka bhoasaono peda aini, “Anaku! Koe pisakiomu katangahi bhe kahukumuno Ompu, koise nobhotu kaposahunaꞌaomiu ane nofoꞌalakoomu.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

1 Petrus 2:23

Ane dofeꞌawutie, anoa miina nafofeꞌawuti. Wakutuuno dofodee-deeꞌe, miina nafonantiꞌao, tangkanomo bhahi-bhahiꞌae nofosipulie ne Lahataꞌala, Fobhitahakino umadhilino.

Powoha 2:3

Hintimiu sadaa-daa sabaha potaamiomu weo kakadee-dee hampano neaku, miina mepandeꞌaoꞌomu kawule angkafi kanauꞌomu.