Ibrani 12:23 - Muna Southern Dialect

²³ Hintimiu mai meangkafiomu hompuꞌa mohame, hompuꞌando umati sanea anaꞌi titiisano Lahataꞌala, toka tibuhino nea te surugaa. Hintimiu mai fewiseomu ne Lahataꞌala, bhitahakino kosasawindo manusia. Hintimiu powiseomu bhe rohindo mie banara toka mosangkano dadi.

Ibrani 12:23 Iomraidhean Croise

Lukas 10:20

Ampamo kaowu koise moꞌiaꞌomu mbaꞌinomo seetani doangkafi pahintamiu, tamaka fowula lalomiu hampano neamiu notibuhimo te surugaa.”

Yohanes 5:27

Pedamo dua anaꞌa padamo nowaꞌane kuasa so nafobhotusiꞌao, hampano Anoa Anano Manusia.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

1 Korintus 13:12

Ampa aitu tapedamo deꞌondo-ondoomu ondula pata mentalea weo paeasa mohawu, tamaka namada kaowu dapowise. Ampa aitu kapandeku miinaꞌo nasumangkaa, tamaka namada kaowu kapandeku naoponomo, pedamo wutono Lahataꞌala nosangka mpuu nopandeꞌa kanau.

1 Korintus 15:49

Pedamo dua intaodiomu ampa aitu dopototoomu bhe Adam, maiꞌao ne bungahasi, namada kaowu dapototoomu dua bhe Kristus maiꞌaono te surugaa.

1 Korintus 15:54

Namada mbadha binasa natibhalii ne tapa binasaꞌano, namada mbadha momate natibhalii ne tapa momateno, ingka nakoꞌulamo bhoasaono Ompu tibuhino peda aini, “O mate dotoloemo, o kafotalo nosangkamo.”

2 Korintus 5:8

Dadiꞌanomo notangka totono lalo mani, tanamisie naetaamo tagumampi maiꞌao ne mbadha kasara ini maka taeate bhe Ompu.

Efesus 1:22

Kosasawindo maitu nofotuhuda Lahataꞌala dalumongko ne Kristus, maka Kristus nosangkee mbalimo neangkando bhahi-bhahindo, somo mefotuꞌaono umatino.

Filipi 4:3

Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

Kolose 1:12

Sadhia dua naowula lalomiu mefoampeomu katumpuno lalo ne Amantoomu. Anoamo mekapantasikoomu umawaomu dawu nefontaa-ntaa so umatino mongkilono weo kafopahintaꞌano mentaleaꞌano.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?

Ibrani 11:4

Hampano kaparasaeano, Habel nefoampe kapopanga metaa, noliuꞌe kapopangano Kain. Hampano kaparasaeano maitu Habel nosambili metaaꞌe Lahataꞌala peda seemie banara, mbaꞌinomo kapopangano maitu noꞌiaꞌane Lahataꞌala. Habel nomatemo, tamaka hampano kaparasaeano maitu, ampa aitu kao-kaomo nandoo sadhia nopugau.

Ibrani 11:40

Kapaꞌamo Lahataꞌala nandoo bhe patudhuno sedhuluꞌano dua kataa so intaodiomu. Patudhuno Lahataꞌala andoa maitu kaneꞌo daeꞌawa kasangkano dadi dapoowa-owa bhe intaodiomu.

Ibrani 2:12

Ambano ⸤ Yesus ne Lahataꞌala⸥ , “Amolele bhihitano neamu ne bhahitieꞌiku, aelagu amudhiko weo hompuꞌando umati.”

Ibrani 9:27

Padamo dofotantue, manusia tetewei damate sepaku kaowu, pada aitu daewiseki kabhotusi.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

1 Petrus 2:23

Ane dofeꞌawutie, anoa miina nafofeꞌawuti. Wakutuuno dofodee-deeꞌe, miina nafonantiꞌao, tangkanomo bhahi-bhahiꞌae nofosipulie ne Lahataꞌala, Fobhitahakino umadhilino.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.

Powoha 6:11

Andoa dowaꞌanda dhuba kapute setuwu seemie maka dopugauanda damewule tana sebantaha, ampa nakumapo kabhahino sabhangkaꞌindo weo kaꞌondofao bhe kabhahino bhahitieꞌindo, so nepongko peda dua andoa.

Powoha 6:9

Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.