Ibrani 12:22 - Muna Southern Dialect

²² Tamaka nopoꞌala bhe hintimiu. Hintimiu hatoomu ne kabhawono Sion, ne kotano Lahataꞌala dumadino, kotano Yerusalem te surugaa, ne kantawundo malaꞌekati ntini hewu-hewuno.

Ibrani 12:22 Iomraidhean Croise

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Matius 5:35

Koise dua podhandi bhe femata nandoo bhe wite fofetingkeno, kapaꞌamo wite kafindaꞌano Lahataꞌala. Koise dua podhandi bhe femata sambili kotano Yerusalem, kapaꞌamo Yerusalem kota kaeateꞌano Omputo Bhalano.

Roma 11:26

Nadamo anaꞌa kosasawindo miendo Israel dasumalamati, noposahataa bhe tibuhino weo Kitabi peda aini, “Fosalamatino namaiꞌao te Sion; Anoa namogampi sabhaha podiu modai namaiꞌao ne sampuꞌano Yakub.

Roma 9:26

Ane endefiꞌini mieno seꞌonu liwu dofohatoda, ‘Hintimiu itu suano umatiku’, mada kaowu mie andoa maitu dakumonada anaꞌino Lahataꞌala dumadino.”

Galatia 4:26

Tamaka hobhine bebasi ⸤ neano Sara⸥ , kaꞌibahatino Yerusalem te surugaa. Anoa ini inantoomu ⸤ hampano miinamo namobhatuaꞌe tubhono agama Yahudi⸥ .

Efesus 2:19

Dadiꞌanomo, hintimiu suanomo mie we sembali tawa mie humampe. Ampa aitu hintimiu saneamo saliwuno umati mongkilo, saneamo dua mie weo polambuno Lahataꞌala.

Filipi 3:20

Tamaka intaodiomu ini, o liwuntoomu ingka te surugaa. Surugaamo dua anaꞌa so kamaiꞌaoꞌano Omputo Fosalamatino Yesus Kristus nentaa-ntaantoomu.

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

2 Timotius 4:18

Daanumo Ompu namosalamati kanau maiꞌao ne sabhaha patudhu modai. Anoa namowa kanau asumalamati amesua weo kafopahintaꞌano te surugaa. Nopantasi mpuu damosibhala Lahataꞌala ampa suhue dhamani! Amin.

Ibrani 10:31

Ingka notimoteꞌi mpuu ane seemie manusia nohakoe limano Lahataꞌala dumadino.

Ibrani 11:10

Kapaꞌamo Abraham neanta-antagi naeate ne seꞌonu kota kosandi motangkano, kota anaꞌa noꞌide-idee bhe nofoehee wutono Lahataꞌala.

Ibrani 11:16

Tamaka ingka nentalea andoa nokamba lalondo ne liwu sedhuluꞌano kataa, maꞌanano o liwu te surugaa. Kanandooꞌanomo Lahataꞌala miina naoambanoa dokonae Lahataꞌalando, kapaꞌamo padamo nefontaa-ntaaꞌanda seꞌonu kota.

Ibrani 13:14

Kapaꞌamo we dhunia ini miina bhe liwu kaeateꞌantoomu suhue dhamani, neꞌondofintoomu o kota we oleo mbuhumai ⸤ so kapoliwuꞌantoomu suhue dhamani⸥ .

Ibrani 3:12

Bhahitieꞌiku! Posiꞌondoomu, koise bhe kolalo modaino bhe tapa marasaeano ne olotamiu itu, sampe nokukundo Lahataꞌala dumadino.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

Powoha 14:1

Pada aitu awohamo dua Anano Dhumba neehe-ehe te kabhawono Sion. Anoa nopoowa-owa bhe mie domoꞌono fato fulu fato hewu, sanea bhe kabuhino neano Anano Dhumba bhe neano Amano ne kondaꞌindo.

Powoha 21:10

Pada anaꞌa nokabhinti kanau Rohino Lahataꞌala maka malaꞌekati maitu noowa kanau te wawono kabhawo bhalano bhe melangkeno. Ne itu nofotiwoha kanaumo kota mongkilo, kotano Yerusalem, sumampuꞌano maiꞌao te surugaa, maiꞌaono ne Lahataꞌala.

Powoha 21:2

Awohamo dua kota mongkilo, Yerusalem buꞌou, nosampu nomaiꞌao te surugaa, nomaiꞌao ne Lahataꞌala. Kota amaitu padamo dolegasie pasae loꞌia buꞌou hobhine napoꞌawaꞌao moꞌaneno.

Powoha 22:19

Ane bhe mie so kumuhangino suahano anabii tibuhino weo kitabi aini, Lahataꞌala namala dawuno ne bhakeno sau meowano dadi bhe ne kota mongkilo, pedamo tibuhino weo kitabi aini.”

Powoha 3:12

Sasuka fotalono amoehee naembali kampana weo Lambuno Lahataꞌalaku bhe paemo sepaliꞌa nalumimba maiꞌao ne naꞌa. Ne mbadhano abuhiane neano Lahataꞌalaku bhe neano kotano Lahataꞌala nekonando Yerusalem buꞌou, sumampuꞌano maiꞌaono ne Lahataꞌala te surugaa, bhe abuhiane dua neaku buꞌouꞌano.

Powoha 7:2

Awohamo dua malaꞌekati sigaoꞌano nomaiꞌao te mata oleo newowoꞌo kakatandano Lahataꞌala dumadino. Malaꞌekati anaꞌa nokei nofekahaa-haaꞌi ne malaꞌekati popaano meꞌawano kuasa dadumai-dai wite bhe teꞌi,