Ibrani 12:2 - Muna Southern Dialect

² Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 12:2 Iomraidhean Croise

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Markus 14:36

Ambano, “O Aba, Amaku, sanea membaliꞌano so Hintu. Fogampi kanau kampohoꞌuꞌa so kafohoꞌuꞌaku ini. Ampamo kaowu koise angkafi kapoindalokua, tamaka taꞌampamo kapoindalomu.”

Markus 15:28

[Maka nokoꞌulamo tibuhino weo Kitabino anabii putae “Anoa natilentu mie modai.”]

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Markus 9:12

Notobhoosimo Yesus, “Uumbe daanumo, Elia so maino wawo, namosintuwuꞌao sabhaha giu. Ampamo kaowu nada amai Anano Manusia, Idi ini? Ingka weo Kitabino anabii notibuhi nabhahi naenamisi kakadee-dee, pae dakumonaꞌie mie.

Markus 9:24

Amano anaꞌi naꞌa lasao nokei, “Aparasaea Ompu! Tamaka tulumi kanau weo kakaeno kaparasaeaku ini!”

Lukas 17:5

Dopugaumo rasuluꞌi ne Ompu Yesus ambado, “Tubhahie kaparasaea mani.”

Lukas 23:11

Notanda ne itu Herodes bhe tantaraꞌino dofekaꞌaebumo Yesus bhe doele-elee, pada anaꞌa dofokanaanemo dhubano kolaki maka dofosulie se Pilatus.

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Yohanes 12:24

Amohatokoomu, kotu-kotuꞌu ane onuno gandum pae naondawu ne wite maka namate, daa-daaꞌe seꞌonu. Tamaka ane namate, kaneꞌomo natumumbu maka naobhahi bhakeno.

Yohanes 12:32

O Idi ini mada kaowu dasumangke kanau te melangkeꞌano te wawono dhunia ini, maka kosasawindo mie ahumelada damai se Idi.”

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Yohanes 8:56

Weo dadino, amamiu Abraham nowula lalono naembali namoha oleo kahatoꞌaku, ingka daanumo nowohaemo bhe noꞌia sepaliꞌa lalono.”

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Tula-tulando rasulu 3:15

Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

Efesus 2:16

Mateno Kristus te sau salipu nofoseꞌisemo bansano liwu haa onuno maitu maka nopometaaꞌanda bhe Lahataꞌala. Dadiꞌanomo powengkeꞌando nofosuniemo.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Filipi 3:20

Tamaka intaodiomu ini, o liwuntoomu ingka te surugaa. Surugaamo dua anaꞌa so kamaiꞌaoꞌano Omputo Fosalamatino Yesus Kristus nentaa-ntaantoomu.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 1:13

Lahataꞌala ingka miina sepaliꞌa nakobhoasao ne seemie malaꞌekati peda aini, “Mengkohamo ne suanaku ini, ampa kosasawindo kaewamu ahumabuda so kafindaꞌamu.”

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 10:14

Kapaꞌamo noangka ne kapopanga sehondano maitu, mie nefekangkilo maiꞌao ne dhosando nofosangkadamo ampa suhue dhamani.

Ibrani 10:33

Sigaꞌa dofekandidiki bhe dofekasabhakoomu ne wisendo mie bhahi. Sigaꞌa dua menamisiomu kakadee-dee nenamisindo mie nefodee-dee peda anaꞌa.

Ibrani 11:36

Nandoo dua doele-eleda, dohambisianda habuta, dokatapuanda hante maka dofopesuada weo katohongku.

Ibrani 12:3

Sadhia feꞌulaiꞌomu Yesus potaamino kakadee-dee nopowise bhe mie kodhosa mewangie, keana nondidiki lalomiu maka nobhotu posahunaꞌaomiu.

Ibrani 13:13

Dadiꞌanomo mai dokalaomu se Anoa we sembalino kapoliwuꞌa, daeala dawu weo kafekaꞌaebu nenamisino.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Ibrani 7:19

Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.

Ibrani 8:1

Puuno bhahi-bhahiꞌae nepuga-pugauꞌaontoomu ini: intaodiomu bhe Imamuntoomu Bhalano medano anaꞌa, mengkohano ne suanano kaengkohaꞌano Lahataꞌala fofoliuno kakalabhia te surugaa.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

Yakobus 2:1

Bhahitieꞌiku, peda mie marasaeano ne Yesus Kristus, Ompuntoomu kumalabhiano, weo dhalangiꞌano kaparasaeamiu koise mepoꞌala-alaꞌaoꞌomu mie.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.

Yudas 1:21

Dhaganiomu wutomiu weo kanini kaasino Lahataꞌala poowa ntaa-ntaaꞌomu oleono Ompuntoomu Yesus Kristus, so fowaꞌaono rahamatino, o dadi suhue dhamani.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

Powoha 1:17

Saꞌawohae, lasao aefodapa ne aꞌeno tapedamo mie mate, tamaka Anoa tanotei limano suanano te wawoku bhe nopugau ambano, “Koise moteꞌia! Idimo ini kabhao-bhaono bhe kafetompaino.

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Powoha 2:8

“Buhie dua so malaꞌekatino umati we Smirna: pedamo aini kaowilino Kabhao-bhaono bhe Kafetompaino, mada mateno bhe sumuli dumadino.