Ibrani 12:13 - Muna Southern Dialect

¹³ Fekalaaꞌe kaangkaꞌano aꞌemu, neanomo aꞌemu mokempano itu paise natokulepea.

Ibrani 12:13 Iomraidhean Croise

Lukas 3:5

sabhaha lonso damoꞌawoe, sabhaha kabhawo bhe gunu dapotateane, kowego-wegoꞌano damekalaaꞌie, kontido-ntidoꞌano daposaheteane,

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

Galatia 6:1

Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.