Ibrani 11:37 - Muna Southern Dialect

³⁷ Andoa dobhatumbulianda kontu ampa domate, sigaꞌa dopokebhaanda kahakadhi bhe dopongkoanda kampue. Andoa dolili tadepakemo kulino dhumba tawa kulino membe mbali pakeando, dokae, dofodee-deeda bhe dosikisaada.

Ibrani 11:37 Iomraidhean Croise

Matius 21:35

Tamaka kumahadhaano maitu tadohako bhatuano naꞌa; sigaꞌa dopepekida, sigaꞌa dopongkoda, sigaoꞌano dobhatumbulianda kontu.

Matius 3:4

Pakeano Yohanes wuluno unta, kagegeno o kuli. Nehumaano kapunda bhe golano kainiua.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Lukas 13:34

Yerusalem, Yerusalem! Hintumo mongkono ana-anabii bhe bhatumbulino mie netudu ne hintu. Nentuhumo nokamba laloku ne hintu, amohompu raꞌeatimu, kanggetu inano manu nofohompu anano we towawano panino, tamaka hintimiu mokiidoomu.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Ibrani 11:25

Anoa nopoindalo nokadee-dee poowa bhe umatino Lahataꞌala, bhe nasekabantaha naetaa namisino nadumadi weo dhosa.

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.

Powoha 11:3

Kaowu Idi amokuasamo dahodua sakusiiku dakosuaha nada anabii bhe daepake kadu ⸤ tandano kaguguhu⸥ nasehewu haa moꞌono nomo fulu oleo kaomponano.”