Ibrani 11:13 - Muna Southern Dialect

¹³ Kosasawindo mie saꞌituini sanea dokokaparasaea sampe mate. Andoa miina daetahima sabhaha nedhandiꞌaono Lahataꞌala, tamaka kao-kaomo tadowoha we kodoꞌoꞌano o ae so neꞌawando mada kaowu maka doꞌiaꞌane. Pedamo aitu domangaku dembali mie humato bhe humampe we dhunia ini.

Ibrani 11:13 Iomraidhean Croise

Matius 13:17

Amohatokoomu, kotu-kotuꞌu dobhahi anabii bhe mie lumebe endefiꞌini, gaondo damoha newohamiu aitu, tamaka miina daohaea; gaondo dametingke nefetingkemiu aitu tamaka miina dametingkeea.

Yohanes 12:41

Yesaya nopugau peda ini mbaꞌinomo nowohae kakalabhiano Yesus bhe padamo dua nokowambaane.

Yohanes 8:56

Weo dadino, amamiu Abraham nowula lalono naembali namoha oleo kahatoꞌaku, ingka daanumo nowohaemo bhe noꞌia sepaliꞌa lalono.”

Roma 4:21

Anoa noparasaea mpuu putae Lahataꞌala nokokuasa namekakoꞌula nedhandiꞌaono.

Roma 8:24

Kapaꞌamo ainimo neposahunaꞌaonto mpini pakatifosalamatintoomu. Ampamo kaowu ane neposahunaꞌaonto maitu notiwohamo, ingka suanomo posahunaꞌao. Nandoo bhahaa meanta-antagino toka newohando?

2 Korintus 4:18

Insaodi miina taoheruao tiwohaꞌano tamaka tapa tiwohaꞌano, hampano tiwohaꞌano ingka sekabantaha kaowu, tamaka tapa tiwohaꞌano nonandoo ampa suhue dhamani.

2 Korintus 5:6

Dadiꞌanomo sadhia notangka totono lalo mani, tapandeꞌaane putae ane nandoo deate ne mbadha kasara ini, ingka dokodoꞌo bhe Ompu.

Efesus 2:19

Dadiꞌanomo, hintimiu suanomo mie we sembali tawa mie humampe. Ampa aitu hintimiu saneamo saliwuno umati mongkilo, saneamo dua mie weo polambuno Lahataꞌala.

Ibrani 11:14

Kapaꞌamo mie mangakuno peda naꞌa ingka nentaleamo notiwoha putae nandoo deꞌondofi wite buꞌou so kapoliwuꞌando sakotuꞌuno.

Ibrani 11:17

Hampano kaparasaeano dua, Abraham nofoampe Ishak mbali kapopanga wakutuuno noꞌudhie Lahataꞌala. Abraham notahimaemo dhandino Lahataꞌala tamaka nohelasi dua nofoampe anano kaenseemie naꞌa mbali kapopanga nesumbele.

Ibrani 11:27

Hampano kaparasaeano, Musa nohunsa witeno Mesir, miina naoteꞌia ne amahano omputo. Musa notangka mpuu nofintahaki patudhuno, kao-kaomo nowoha Lahataꞌala tapa tiwohaꞌano.

Ibrani 11:39

Kosasawindo ini nosambili metaada Lahataꞌala hampano kaparasaeando, gahaꞌaitumo miinaꞌo datumahima nedhandiꞌaono Lahataꞌala.

1 Petrus 1:1

Suha aini nomaiꞌao ne Petrus, rasuluno Yesus Kristus, so bhahitieꞌiku umati nepilino Lahataꞌala, meateno te kadieno Pontus, Galatia, Kapadokia, Asia bhe Bitinia. Hintimiu dadiomu kanggetu mie humampe ne dhunia ini.

1 Petrus 1:17

Weo sambaheamiu, Lahataꞌala konaeꞌomu Amamiu. Ingka Anoamo so fobhotusino tanamangka-angka habundo manusia seemie-seemie, pae napoꞌala-alaandaa. Dadiꞌanomo tinangke nandoo butuomu we dhunia ini, fosibhalaeꞌomu mpuu Lahataꞌala.

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

1 Yohanes 3:19

Ane dopomoa-moasiꞌao dopandeꞌaanemoomu intaodiomu mieno kabanara, dadiꞌanomo totono lalontoomu natumohopo dua weo dadinto ne wiseno Lahataꞌala.