Ibrani 10:34 - Muna Southern Dialect

³⁴ Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Ibrani 10:34 Iomraidhean Croise

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Lukas 10:42

Ingka ampamo sehonda maraluuꞌano. Maria nopilimo metaaꞌano, maka paise damalae mie bhaindo.”

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Lukas 9:25

O ae fahalaano seemie manusia naeꞌawa kosasawiꞌae kahangkaeano dhunia ini tamaka naohugiꞌao inawano bhe nabinasa?

Tula-tulando rasulu 21:33

Panglima naꞌa nomaꞌoti Paulus, lasao nohakoe maka notududa datumapuane hante haa honda poowa nofeena bhahaꞌi laꞌae mie amaitu bhe nehabu ae.

Tula-tulando rasulu 28:20

Katisaliꞌiꞌamiumo apoindalo apoꞌawa bhe apuga-pugau bhe hintimiu, kapaꞌamo katihanteꞌaku ini hampano Omputo Fosalamatino nentaa-ntaando miendo Israel.”

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Efesus 6:20

Ingka hampanomo Bhihita Metaa aini, katituduꞌakumo sampe dotohongku kanau. Sambaheaꞌomu neanomo aokado amugauꞌao Bhihita Metaa ini, pedamo mantasiꞌano so idi.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

1 Timotius 6:19

Ane nada naꞌa ingka kao-kaomo defoꞌonumo kahangkaea te surugaa so we oleo mbuhumai, bhe daeꞌawa dua dadi sakotuꞌuno suhue dhamani.

2 Timotius 1:16

Sio-siomo Ompu namosampu rahamatino ne polambuno Onesiforus, hampano nentelamo nofekaꞌia laloku. Anoa miina naoambano kanaua, mahinggamo atitohongku.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 11:16

Tamaka ingka nentalea andoa nokamba lalondo ne liwu sedhuluꞌano kataa, maꞌanano o liwu te surugaa. Kanandooꞌanomo Lahataꞌala miina naoambanoa dokonae Lahataꞌalando, kapaꞌamo padamo nefontaa-ntaaꞌanda seꞌonu kota.

Ibrani 13:14

Kapaꞌamo we dhunia ini miina bhe liwu kaeateꞌantoomu suhue dhamani, neꞌondofintoomu o kota we oleo mbuhumai ⸤ so kapoliwuꞌantoomu suhue dhamani⸥ .

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.

Ibrani 9:15

Kanandooꞌanomo Kristus nembalimo Poatoꞌaono podhandiꞌa buꞌou, neanomo mie toka nebhasino Lahataꞌala daeꞌawa sabhaha kadawu suhue dhamani peda nedhandiꞌaono Lahataꞌala. Bhahi-bhahiꞌae maitu nokadhadhia hampano bhe mateno, ⸤ ingka wutono Kristus,⸥ maka o matemo amaitu mobebasino manusia maiꞌao ne sabhaha kaꞌala nehabundo wakutuuno podhandiꞌa kabhao-bhaono.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

1 Petrus 1:4

Intaodiomu doposahunaꞌao sepaliꞌa daeꞌawa kadawu nefontaa-ntaano Ompu so umatino. Kadawu nehunsa-hunsano te surugaa maitu pae nabinasaa, pae naohakua bhe pae naleleua.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.