Ibrani 10:29 - Muna Southern Dialect

²⁹ Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!

Ibrani 10:29 Iomraidhean Croise

Matius 26:28

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Matius 7:6

“Bara mongkilo koise waꞌane daꞌu, bhahaa nosuli nokokapeko. Muntiamu koise ohoane wewi, bhahaa nopokafindaꞌiane.”

Markus 7:2

Gahaꞌa dowohamo seemie hodua anaguhuꞌino tadohumaamo mahingga limando miina naongkilo. Maꞌanano miina daewanua ⸤ peda atorano agamando⸥ .

Lukas 12:10

Ane o mie nopahampugau noewangi Anano Manusia, natiꞌamponi; tamaka ane dopahampugau dofekaꞌaebu Rohino Lahataꞌala paise natiꞌamponia.

Yohanes 10:36

noafaꞌao dua ambamiu afekaꞌaebu Lahataꞌala mbaꞌinomo akona wutoku Anano Lahataꞌala? Gahaꞌaitumo Idimo nefopoolino Amaku bhe netuduno we dhunia ini.

Yohanes 17:19

Somo andoa afotawakala Wutoku ne Hintu, neanomo andoa daeꞌawa kabanara, maka damotawakala dua wutondo ne Hintu, daembali fehebuaꞌamu mongkilono.

Tula-tulando rasulu 7:51

⸤ Ambano toha Stefanus,⸥ “Hintimiu katuꞌa fotu! Lalomiu miina naongkiloa. Tingalamiu nopoꞌopi. Hintimiu sadhia ewangiomu Rohino Lahataꞌala, nopototo bhe awuaꞌimiu!

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

1 Korintus 11:27

Dadiꞌanomo laꞌae maka momaano roti bhe mohoꞌuno ne kampohoꞌuꞌano Ompu tamaka dhalano miina namantasia, mie aitu nokodhosamo ne mbadha bhe heano Ompu.

1 Korintus 11:29

Ane o mie tanaomaamo tanaohoꞌumo pae nalumosangi maꞌanano mbadhano Ompu, ingka humaano bhe fohoꞌuno naꞌa neowa kahukumuno Lahataꞌala ne wutono.

1 Korintus 15:25

Kapaꞌamo Kristus tetewei namahinta kansuhu nada omputo ampa kosasawindo kaewano namolongkoda Lahataꞌala te wawono aꞌeno.

1 Korintus 15:27

Kapaꞌamo ⸤ notibuhi weo Kitabi⸥ , “Bhahi-bhahiꞌae padamo nofolongkoe te wawono aꞌeno.” Ane notibuhi putae bhahi-bhahiꞌae nofolongkoe te wawono aꞌeno, maka nentaleamo miina natilentua wutono Lahataꞌala molongkono bhahi-bhahiꞌae naꞌa.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

Efesus 4:30

Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

Ibrani 10:10

Hampanomo kapoindalono Lahataꞌala nedhalangino Kristus naꞌa, intaodi dofekangkilo kaitaomu maiꞌao ne sabhaha dhosa, noangka ne kapopangano wutono Yesus Kristus, sepaku kaowu ampa suhue dhamani.

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 6:4

Kapaꞌamo ane bhe mie kumukundono Lahataꞌala, miinamo bhe dhalano dasumuli dametompaꞌao dhosando. Endefiꞌini padamo notilada tilangano Lahataꞌala, denamisimo kadawuno surugaa bhe padamo dua dotahima Rohino Lahataꞌala peda bhaindo.

Ibrani 6:6

Tamaka gahaꞌa pada anaꞌa andoa dokukundoemo Lahataꞌala. Ane peda anaꞌa ingka pae bhe kapooli sumuli damowada dametompaꞌao dhosando. Kapaꞌamo andoa kao-kaomo suli dokantai Anano Lahataꞌala te sau salipu bhe dofekaꞌaebue ne wisendo mie bhahi.

Ibrani 9:13

Heano membe bhe sapi moꞌane bhe walono anano sapi netunu dopakee mbali dokambesiꞌao mie kodengo-dengono weo atorano agama Yahudi, neanomo suli dongkilo. Sanginomo o hea bhe walo amaitu nembalimo nefekangkilo mbadhando manusia,

Ibrani 9:20

Poowa nokambesida anabii Musa nopugau ambano, “Ainimo hea mekatangkano podhandiꞌa nehabuno Lahataꞌala bhe hintimiu, tetewei dhalangieꞌomu.”

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.