Ibrani 10:26 - Muna Southern Dialect

²⁶ Ane padamo dotahima bhe dopandeꞌao kabanara, tamaka dofepuuꞌe nandoo dua dehabu dhosa, ingka miinamo bhe kapopanga so katolosino dhosantoomu naꞌa.

Ibrani 10:26 Iomraidhean Croise

Lukas 12:47

Seemie bhatua mandeꞌaono kapoindalono kafeompuꞌano tamaka miina namantaa-ntaa tawa miina nadhumalangiea, naobhahi naeꞌawa kabhebhe.

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Yohanes 9:41

Ambano Yesus, “Ane kotu-kotuꞌu mobuntoomu pae kodhosaomua, tamaka hampano ambamiu fowohaomu, dadiꞌanomo dhosamiu sadaa-daa.”

2 Tesalonika 2:10

Anoa naepake sabhaha akala modai so naefekakolilinoꞌao totono lalondo manusia so binasano. So kabinasaꞌando mbaꞌinomo miina datumahima bhe miina daoasiꞌao kabanara so mosalamatida.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

1 Yohanes 5:16

Ane wohaomu bhahitiemiu nehabu dhosa tapa meowano mate, naetaa mesaloaneomu ne Lahataꞌala maka dadi aitu sumuli namaꞌane. Nepulaoꞌaoku ini o dhosa tapa meowano mate. Kapaꞌamo nandoo o dhosa meowano mate, so dhosa pedando ini miina apugauangkoomu sumambahaeꞌomu ne Lahataꞌala.