Ibrani 10:22 - Muna Southern Dialect

²² Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

Ibrani 10:22 Iomraidhean Croise

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Lukas 1:1

Teofilus nefosibhalaku! Dobhahimo mie mebuhino bhihitano sabhaha kadhadhia ne olotantoomu.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Yohanes 8:9

Dofetingke kaowu pugauno Yesus naꞌa, dokalamo seemie-seemie nopaꞌinduluanda foliuno kakamungkula. Panda-pandano Yesus tanomoisa bhe hobhine anaꞌa daa-daaꞌe ne kaeehe-eheꞌano.

Tula-tulando rasulu 22:16

Dadiꞌanomo noafa gahaꞌa nopoibhahaꞌao lalomu? Ehe, owa wutomu dokadiukoana. Metondala ne Ompu, fekangkilo totono lalomu notiꞌamponiꞌao dhosa-dhosamu!’

Tula-tulando rasulu 8:21

Miina bhe hakumua weo kahadhaa mani ini, hampano totono lalomu miina naelaaꞌa ne pomatano Lahataꞌala.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

Efesus 6:5

Hintimiu bhatua, meangkaomu ne kafeompuꞌamiu te dhunia ini. Fosibhaladaomu bhe meangkaomu mpuu maiꞌao weo totono lalomiu mohelasiꞌano, peda meangkaomu ne wutono Kristus.

1 Timotius 4:2

Kafoinaꞌu anaꞌa dofolelee mie mehaaꞌulano. Andoa miinamo damande dapofelesaoꞌao metaaꞌano bhe modaiꞌano, kao-kaomo totono lalondo kumatanga-tangano dofodapaanemo uti ngkamala-mala.

Titus 3:5

Anoa nofosalamati kaita suano mbaꞌinomo habu metaantoomu tamaka hampano rahamati bhe kabhelano lalono. Lahataꞌala nohunsa Rohino mongkilono weo totono lalontoomu so namekanggelaꞌiꞌao dhosantoomu maka sumuli dalumente weo dadi buꞌou.

Ibrani 10:1

Weo Kitabino anabii Musa notiwoha dandahano sabhaha metaaꞌano so humatono te wise, tamaka suanoꞌo kasalamati mpuuno. Dadiꞌanomo noangka ne kapopanga nefendu-fendua setaꞌu-setaꞌu, tubhono agama Yahudi pae bhe kapoolia namosangka totono lalondo mie maino sumambaheano maitu.

Ibrani 10:19

Dadiꞌanomo bhahitieꞌiku, hampano tuhuno heano Yesus intaodiomu dokadomoomu dopesuaꞌomu weo Boloku Foliuno Kangkilo.

Ibrani 11:28

Hampano kaparasaeano, Musa nofotudu dahumohaeaꞌao Paska maka nopahintangi miendo Israel daekambesi hea ⸤ ne tuuhano fointondo⸥ , neanomo Malaꞌekati Fobinasano paise namongko anando titiisa.

Ibrani 12:24

Hintimiu mai fewiseomu ne Yesus, Poatoꞌaono podhandiꞌa buꞌou; heano podhandiꞌa buꞌou ini ⸤ neowa katiꞌamponiꞌano dhosa⸥ , noliuꞌe fahalaano bhe tuhuno heano Habel ⸤ mesonsono kabhoosi⸥ .

Ibrani 4:16

Dadiꞌanomo ⸤ weo sambaheantoomu⸥ fekakado kaitaomu damaꞌotiomu kaengkohaꞌano Lahataꞌala kumalabhiano fowaꞌaono rahamati, neanomo daeꞌawa rahamati bhe daetahima kabarakati sampe natumulumi kaita ne wakutuuno dofaraluuꞌe.

Ibrani 6:11

Gao mani mpuu hintimiu seemie-seemie motiwohaomu kansuhu kakampuu-mpuuno lalomiu ampa we kapuliaono, sampe neanta-antagimiu kotu-kotuꞌu nakoꞌulamo.

Ibrani 7:19

Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.

Ibrani 9:10

Kapaꞌamo sabhaha kapopanga maitu nopokai kaowu bhe oti nehumaa bhe nefohoꞌu bhe sabhaha atorano kangkilono mbadha. Bhahi-bhahiꞌae maitu sanea kaowu atorano mbadha, nofaraluu kaowu ampa tempono Lahataꞌala namahabuꞌouni podhandiꞌa naꞌa.

Ibrani 9:19

Kabhao-bhaono anabii Musa nofosampemo sabhaha pahintano Lahataꞌala tibuhino weo Kitabi ne kosasawindo miendo Israel. Pada aitu nealamo heano anano sapi bhe heano membe moꞌane, noposaloane bhe oe maka nokambesie ne Kitabino Pahintano Lahataꞌala bhe ne kosasawindo miendo Israel. Kakambesino nepakeane hoono kahoku nekonando hisop bhe wuluno dhumba kadea lalo moꞌito.

Yakobus 1:6

Kamesalono tabeano namoampee weo kaparasaea mpuu-mpuu, koise nopoibhahaa. Kapaꞌamo mie poibhahano lalo tanopototomo bhe kaewono teꞌi, nofodo-fodolie kawea.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.