Galatia 6:4 - Muna Southern Dialect

⁴ Seemie-seemie tabeano namahakesaa diuno wutono, netaa bhahaꞌi miina. Ane netaa ingka naembali naowoseane bhakeno, ampamo kaowu koemo nopoꞌondoane bhe diuno mie bhaino.

Galatia 6:4 Iomraidhean Croise

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

1 Korintus 11:28

Seemie-seemie tabeano namahakesaa kadeki totono lalono, maka naembali naomaa roti bhe naohoꞌu ne kampohoꞌuꞌano Ompu.

1 Korintus 3:14

Ane lambu nefoehe maitu pae naomaaꞌe efi, ingka mie kumahadhaaꞌe naꞌumawa ponambono.

1 Korintus 3:8

Metisano bhe metubhasino ingka tanopototomo kahadhaando, seemie-seemie naꞌumawa ponambono naposahataa bhe kawuleno nokahadhaa.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 13:5

Tiisangi totono lalomiu bhahaꞌi kotu-kotuꞌu parasaeaꞌomu ne Kristus. Udhi wutomiu! Miina mandeꞌaaneomu gahaꞌa putae Kristus Yesus nodadi weo totono lalomiu? Ane pae nada naꞌa, ingka miina mooliomu kaꞌudhi anaꞌa.

Galatia 6:13

Sakotuꞌuno mie mangkafino tutuhano kasuna naꞌa miina dua dadhumalangiea kosasawiꞌae tubhono agama Yahudi. Gaondo dasumunakoomu so kaowu damekawoseꞌao bhakendo putae hintimiu angkafiomu tubhono agama Yahudi hampano andoa.

Filipi 1:26

Ane asumuli kaowu we itu, hintimiu nasedhuluꞌa dua kawoseno bhakemiu ne Yesus Kristus mbaꞌinomo idi.