Galatia 6:3 - Muna Southern Dialect

³ Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Galatia 6:3 Iomraidhean Croise

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Tula-tulando rasulu 5:36

Endefiꞌini nandoo koneaꞌano Teudas, noabhi wutono mie bhalano, sampe mangkafie dapefato moꞌono. Tamaka dopongkoe kaowu, mie mangkafie naꞌa tadopogasa-gasamo, tanopalusimo peda aitu.

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

1 Korintus 3:18

Koise bhe bhohe-bhoheꞌino wutono. Ane ne olotamiu itu bhe kofekihino nopande ne pomatano dhunia, naetaa nasumuli naobhohe so nopandeꞌao sakotuꞌuno.

1 Korintus 8:2

Mie kofekihino nokonipandeꞌaomo, sakotuꞌuꞌano miinaꞌo namandeꞌaane o ae so mantasiꞌano nepandeꞌaono.

2 Korintus 12:11

Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

2 Korintus 3:5

Miina bhe tingku mania tapugau putae kahadhaa aini tapoolie wuto mani, miina kaꞌasi, tamaka kapooli mani saneamo kawaꞌaono Lahataꞌala.

Galatia 2:6

Mahingga tanada amaimo, mie nefokamungkula weo umati maitu miina damosuhu kanau aetubhahi atora buꞌou weo kafoinaꞌuku. Andoa naꞌa akonada mie nefokamungkula weo umati, tamaka weo namisiku mie nefokamungkula bhe suano tanopototomo, kapaꞌamo Lahataꞌala miina naepoꞌala-alaꞌao mie.

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

2 Timotius 3:13

Tamaka mie modai bhe fobhohe-bhoheꞌino nadhumulu kadaindo, damokolilino totono lalondo mie bhaindo, gahaꞌaitu totono lalondo wutondo nakolilino dua.

Yakobus 1:22

Hintimiu tabeano dhumalangieꞌomu bhoasaono Lahataꞌala, koise tafetingkeomu kaowu. Kapaꞌamo ane taꞌometingkeeꞌomu kaowu, ingka bhohe-bhoheꞌimoomu wutomiu.

Yakobus 1:26

Ane seemie noabhi wutono nokoꞌagama tamaka miina namooli nofewanaki lelano, ingka nobhohe-bhoheꞌimo wutono, agamano miina nakofahalaa.

1 Yohanes 1:8

Ane ambantoomu miina dakodhosaomu, ingka dobhohe-bhoheꞌimo wutontoomu bhe kabanara miina naeatea weo totono lalontoomu.