Galatia 6:12 - Muna Southern Dialect

¹² O mie mosuhukoomu mesunaomu, ingka gaondo defewoha kaowu putae doangkafi tutuhano mbadha. Tamaka kahabuꞌando peda aitu keana kaowu dofodee-deeda ⸤ miendo Yahudi⸥ hampano kaparasaeando ne mateno Kristus te sau salipu.

Galatia 6:12 Iomraidhean Croise

Matius 23:27

Balaamoomu, pande-pande Kitabi bhe miendo Farisi, mie mehaaꞌulano! Kapaꞌamo hintimiu itu tapedamo kobuhu neꞌefii, we simbali nokesa wohaꞌano, gahaꞌaitumo we lalo sanea buku bhe sabhaha giu mohaku sigaoꞌano.

Matius 23:28

Pedamo dua hintimiu itu, ne pomatando mie wohaꞌamiu mie banara, gahaꞌaitumo we lalomiu sanea fekihi mehaaꞌulano bhe isikadhi modai.

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Matius 5:10

Dokodawua mpuu mie nefodee-dee hampano doangkafi kapoindalono Lahataꞌala, kapaꞌamo andoamo so mehapino Kafopahintaꞌano Lahataꞌala.

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Matius 6:2

Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Lukas 20:47

Andoa debhohe-bhoheꞌi bhihinanda maka dorampasi lambudo. Pakade keana notipandeꞌao kadaino isikadhindo, tadofekawanta-wantamo sambaheando. Dadiꞌanomo nasedhuluꞌa dua kabhie kahukumu so neꞌawando.”

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

Tula-tulando rasulu 15:1

Nandoo seemie hodua maiꞌaono we Yudea dokala we Antiokia dofoguhu bhahitieꞌi ne itu. Ambado, “Ane pae dasumunakoomu peda adhati kahunsaꞌaono Musa, pae naembalia damosalamatikoomua.”

Tula-tulando rasulu 15:5

Tamaka domai dua seemie hodua kamungkula miendo Farisi marasaeano ne Yesus. Ambado, “O mie suano Yahudi toka marasaeano ne Yesus tetewei dasumunada, damosuhuda damangkafi dua tubhono agama Yahudi.”

2 Korintus 10:12

Daanumo miina taokado tamopesua wuto mani tawa tapototoꞌao wuto mani bhe mie sumangke-sangkeno wutondo. Ingka dobhohe sepaliꞌa, hampano deala tubho ne wutondo maka dopobandi-bandingiꞌao wutondo sapada-pada andoa.

2 Korintus 11:13

Kapaꞌamo andoa maitu dompaharasu-rasulu, kahadhaando debhohe-bhoheꞌi mie, desahangka kaowu peda rasuluno Kristus.

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

Galatia 2:3

Tamaka mahinggamo Titus poowaꞌaku maitu miendo Yunani, anoa miina damosuhuea naesuna.

Galatia 5:11

Bhahitieꞌiku, pedamo dua wutoku ini. Ane ibahano nandoo afofoinaꞌuꞌao putae atorano suna nandoo nofaraluu, noafa gahaꞌa sadaa-daa dofodee-dee kanauꞌao? Ane ibahano nokotuꞌu afofoinaꞌu peda naꞌa, ingka nokomaꞌana bhihitano mateno Kristus te sau salipu paemo naembali tingkuno poꞌala-alatiꞌa.

Galatia 6:13

Sakotuꞌuno mie mangkafino tutuhano kasuna naꞌa miina dua dadhumalangiea kosasawiꞌae tubhono agama Yahudi. Gaondo dasumunakoomu so kaowu damekawoseꞌao bhakendo putae hintimiu angkafiomu tubhono agama Yahudi hampano andoa.

Filipi 1:15

Daanumo nandoo mie mefoleleno bhihitano Kristus dhohono kakonduano lalo ne idi bhe sadhia dopoindalo dopotagali, tamaka sigaoꞌano defolele bhihitano Kristus maiꞌao ne totono lalo mohelasi.

Filipi 2:4

Ondofaoꞌomu faraluundo mie bhaimiu, koise taꞌo kaowu faraluuno wutomiu seemie-seemie.

Filipi 3:18

Kapaꞌamo nentelamo afohatokoomu, aitu afenduaꞌemo dua nopotuhu bhe luuku, putae dobhahi mie kodadindo nopoewangi bhe patudhundo mateno Kristus te sau salipu.

Kolose 2:23

Andoa maitu dofofoinaꞌu dasumombai malaꞌekati, damekapanda wuto bhe dasumikisaa mbadha. Kafoinaꞌu maitu daanumo wohaꞌano nokesa, tamaka sakotuꞌuno miina nakofahalaa so damewanakiꞌao nafusuundo manusia.