Galatia 6:1 - Muna Southern Dialect

¹ Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

Galatia 6:1 Iomraidhean Croise

Matius 11:29

Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo.

Matius 26:69

Tangasano Petrus nengkoha-ngkoha we kadete, nomaimo seemie bhatua hobhine ambano, “Ingka hintu ini dua sadhia pobhai bhe Yesus, mieno Galilea maitu.”

Matius 26:75

Petrus nofeꞌulaimo pugauno Yesus, “Paeꞌo nakumakuhua manua, natolu pakumo gumaga miina mandeꞌa kanau.” Pada anaꞌa nolimbamo bhe noꞌae, nokompeaha sepaliꞌa lalono.

Matius 9:13

Dadiꞌanomo kalamoomu, maꞌanakiomu wambano Kitabi aini, ⸤ Ambano Lahataꞌala⸥ ‘Kapoindaloku dopomobhela-bhelaꞌao lalo, suano kapopanga’, kapaꞌamo kahatoꞌaku miina aeꞌondofi mie mongkilo, tamaka mie kodhosa.”

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

Roma 8:6

Fekihino manusia nekuasaino kapoindalono mbadha neowa mate, tamaka fekihi nekuasaino Rohino Lahataꞌala neowa dadi bhe katohopono lalo.

1 Korintus 10:12

Mie mabhino wutono notangka eheno, tabeano naposiꞌondo bhahasaa notifondole.

1 Korintus 14:37

Ane seemie noabhi wutono neꞌawamo kapooli nakosuaha peda anabii tawa neꞌawamo kapooli sigaoꞌano nedawuꞌaono Rohino Lahataꞌala, naetaa namahamue putae sabhaha nebuhiku ini sanea pahintano Ompu.

1 Korintus 2:15

Manusia tumahimano Rohino Lahataꞌala sadhia netiisangi bhahi-bhahiꞌae, tamaka wutono manusia naꞌa miina bhe kohakuno damoꞌalae.

1 Korintus 3:1

Bhahitieꞌiku! Wakutuu anaꞌa miinaꞌo naembalia apugau bhe hintimiu peda apugau ne mie toka nekabhintino Rohino Lahataꞌala, tamaka nandoo apugau ne mie nekuasaino kapoindalono dhunia, kao-kaomo hintimiu sadaa-daa kaana-anaꞌi weo kaparasaeamiu ne Kristus.

1 Korintus 4:21

Dadiꞌanomo medando ae nepoindalomiu? Tamepilimoomu: amai aeowaangkoomu kapepe, kaa amai amalu-malusikoomu weo kanini kaasi?

1 Korintus 7:5

Koise pokodoꞌotiomua, simbali padamo mafakaaneomu pogaatiomu sebantaha so meꞌawaomu kasalawa sumambaheaꞌomu. Tamaka mada aitu suli pohompuomu keana nopoolikoomu kawudhuno Kafeompuꞌando seetani, kapaꞌamo bheanea pae moolieꞌomua mewanaki nafusuumiu.

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Korintus 2:7

Ampa aitu tetewei maꞌafuaneomu kaꞌalano bhe lawesieꞌomu lalono keana notondu weo kakompeahano totono lalono.

2 Korintus 2:8

Dadiꞌanomo aesalo mpuu fotiwohaeꞌomu putae kotu-kotuꞌu moasianeomu.

Galatia 5:23

dofekapanda wutondo bhe dopoolie dofewanaki totono lalondo. Miina bhe tubhono agama meꞌeleꞌaono podiu medano maitu.

Galatia 6:18

Bhahitieꞌiku! Sio-siomo kabarakatino Ompuntoomu Yesus Kristus sadhia napobhaiꞌao totono lalomiu. Amin.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

2 Tesalonika 3:15

Ampamo kaowu, koise abhieꞌomu kaewa, tamaka tangahieꞌomu peda bhahitiemiu.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

Ibrani 12:13

Fekalaaꞌe kaangkaꞌano aꞌemu, neanomo aꞌemu mokempano itu paise natokulepea.

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.

Yakobus 3:13

Ane ne olotamiu itu nandoo kofekihi metaano bhe kokapandeno, tabeano namotiwohae ne podiu metaa weo dadino, bhe naomalu lalono, noposahataa bhe fekihi kotimbangino.

Yakobus 3:2

Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

1 Petrus 3:15

Fosibhalaomu Kristus weo totono lalomiu, ampamo Anoa so Ompu weo dadimiu. Sadhia mantaa-ntaaꞌomu tumobhoosiomu mie meenaꞌaono kaposahunaꞌao nefintahakimiu itu. Tamaka tobhoosiandaomu kamaluno lalo bhe adhatidaomu.

1 Yohanes 5:16

Ane wohaomu bhahitiemiu nehabu dhosa tapa meowano mate, naetaa mesaloaneomu ne Lahataꞌala maka dadi aitu sumuli namaꞌane. Nepulaoꞌaoku ini o dhosa tapa meowano mate. Kapaꞌamo nandoo o dhosa meowano mate, so dhosa pedando ini miina apugauangkoomu sumambahaeꞌomu ne Lahataꞌala.