Galatia 5:4 - Muna Southern Dialect

⁴ Ane posahunaꞌaoꞌomu kansuhu ne tubhono agama Yahudi so katitahimaꞌamiu ne Lahataꞌala peda mie banara, nokomaꞌana pogaatimoomu bhe Kristus, kukundomoomu rahamatino Lahataꞌala.

Galatia 5:4 Iomraidhean Croise

Roma 11:6

Lahataꞌala nopilida mbaꞌinomo rahamatino, suano mbaꞌinomo habundo. Kapaꞌamo ane kapilino Lahataꞌala maitu naengkoha ne habundo manusia, ingka rahamatino Lahataꞌala suanomo rahamati sakotuꞌunoa.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Galatia 2:21

Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.

Galatia 5:2

Tandaiꞌeomu, ane mesaloomu dasumunakoomu, nokomaꞌana Kristus pae nakofahalaa so hintimiu. Idi, Paulus, mugauno inia.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.