Galatia 5:16 - Muna Southern Dialect

¹⁶ Patudhuku peda aini: dadiomu angkafiomu kaatono Rohino Lahataꞌala, maka paemo mangkafiomu kapoindalono wuto.

Galatia 5:16 Iomraidhean Croise

Roma 6:12

Koemo undaꞌaaneomu o dhosa nokokuasa weo mbadha kasaramiu, keana sadhia angkafiomu kapoindalono.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

1 Korintus 7:29

Patudhuku peda aini: tempono dhamani aini tamo seendai. Dadiꞌanomo ne katumpono wakutuu aini mie kohobhineno naetaa nadumadi kao-kaomo miina bhe hobhineno;

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Galatia 3:17

Patudhuno sandahaku saꞌituini peda aini: dhandino Lahataꞌala toka nehabuno maitu pae bhe kapoolia namosowoe tawa namekatembee tubhono agama Yahudi. Kapaꞌamo atorano agama Yahudi naꞌa ⸤ netubhono anabii Musa⸥ kaneꞌo nonandoo nopalusi fato moꞌono tolu fulu taꞌu nokundo Abraham.

Galatia 6:8

Ane doangkafi kapoindalono mbadha tantumo datumobhe dua hasilino kapoindalono mbadha, o kabinasa. Tamaka mangkafino kapoindalono Rohino Lahataꞌala datumobhe dua hasilino kapoindalono Rohino Lahataꞌala, o dadi suhue dhamani.

Efesus 2:3

Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

Kolose 2:11

Weo kaseꞌisemiu bhe Kristus, hintimiu padamo dosunakoomu. Ampamo kaowu suano kasuna nekahadhaando limando manusia, tamaka kasuna nekahadhaano Kristus weo totono lalomiu, maꞌanano noaliangkoomu kuasano dhosa we lalomiu.

1 Petrus 1:14

Membaliomu anaꞌi meangka ne Lahataꞌala, koemo dadiomu angkafiomu kapoindalomiu endefiꞌini, wakutuuno miinaꞌo mandeꞌaoꞌomu Lahataꞌala.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

1 Petrus 4:6

Kanandooꞌanomo Bhihita Metaa dofolelee dua ne mie mateno. Patudhuno, mbadhando daanumo netompaloimo mate, peda kabhotusino Lahataꞌala so manusia, tamaka rohindo dadumadi naposahataa bhe kapoindalono Lahataꞌala.