Galatia 4:8 - Muna Southern Dialect

⁸ Endefiꞌini miinaꞌo mandeꞌaoꞌomu Lahataꞌala, hintimiu nofobhatuakoomu sabhaha kuasa nefeompuniꞌimiu peda ompu, gahaꞌaitu suano Ompu sakotuꞌuno.

Galatia 4:8 Iomraidhean Croise

Yohanes 1:10

Bhoasao amaitu nonandoomo we dhunia; dhunia nofokonandooꞌe Lahataꞌala noangka ne Anoa, tamaka dhunia miina namandeꞌaanea.

Tula-tulando rasulu 14:12

Barnabas dokonae dewa Zeus, Paulus dokonae dewa Hermes hampano anoamo mugauno.

Tula-tulando rasulu 17:23

Kapaꞌamo kaomponano aliligi kotamiu ini bhe afoti-fotinda nesombaimiu, taꞌawohamo dua medha kontu kaetunuꞌa kapopanga bhe kabuhino. Kabuhino peda aini, ‘So ompu tapa tipandeꞌaono.’ Nesombaimiu ini mahingga miinaꞌo mandeꞌaaneomua, Anoamo itu so nefohatoꞌaoku inia.

Roma 1:23

Nesombaindo suanomo Lahataꞌala kumalabhiano pata mosoosalino, tamaka dololianemo sabhaha patung mekatuino manusia, o kaꞌuhi lumola, o kadadi fatombaliꞌano aꞌe tawa o kadadi sumolano ne wite.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 12:2

Ingka pandeꞌaaneomu wakutuuno miinaꞌo mandeꞌaoꞌomu Lahataꞌala, taꞌokaangka-angkamoomu dofekakolilinokoomu sabhaha barahala tapa kosuahano.

1 Korintus 8:4

Pokaiꞌano bhe humaaꞌano oti toka nepopanga ne barahala saꞌituini, ingka dopandeꞌaanemoomu sakotuꞌuꞌano miina bhe barahala ne alamu ini, dopandeꞌaanemoomu dua Lahataꞌala Kaseemie-mieꞌano, miina bhe sigaoꞌanoa.

Galatia 4:3

Pedamo dua intaodiomu, nandoo kaanaꞌintoomu ⸤ maꞌanano miinaꞌo damarasaeaꞌomu ne Kristus⸥ nofobhatua kaita sabhaha rohi modai ne dhunia ini.

Efesus 4:18

Fekihindo nohohondo, miina daeala dawu ne dadi buꞌou newaꞌaono Lahataꞌala, kapaꞌamo miina dokonipandeꞌaoa bhe notuꞌa fotundo.

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

1 Tesalonika 4:5

Weo dadimiu, koe taangka-angkafimo nafusuuno mbadhamiu, peda nehabundo bansano liwu tapa mandeꞌaono Lahataꞌala.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

1 Petrus 4:3

Ingka endefiꞌini nompona sepaliꞌa angkafiomu kapoindalondo manusia tapa mandeꞌaono Lahataꞌala. Hintimiu angkafiomu sabhaha nafusuu, kapoindalo modai, fohoꞌu ampa mololanuomu, sakahame, mempohoꞌuomu, bhe mesombaiꞌomu barahala timohakuno.

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.