Galatia 4:6 - Muna Southern Dialect

⁶ Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Galatia 4:6 Iomraidhean Croise

Markus 14:36

Ambano, “O Aba, Amaku, sanea membaliꞌano so Hintu. Fogampi kanau kampohoꞌuꞌa so kafohoꞌuꞌaku ini. Ampamo kaowu koise angkafi kapoindalokua, tamaka taꞌampamo kapoindalomu.”

Lukas 11:13

Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Lukas 11:2

Notobhoosidamo Yesus ambano, “Ane sumambaheaꞌomu, pugauꞌomu nada ini: Ama, notifosibhalaꞌo toha neamu, nohatoꞌo toha Kafopahintaꞌamu.

Yohanes 14:16

Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.

Yohanes 15:26

Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.

Yohanes 16:7

Wambaku ini nokotuꞌu, so hintimiu nakofahalaa akumala bhe paisea. Kapaꞌamo ane pae akumala, Rohi Fotulumino pae namaiꞌikoomua, tamaka ane akumala, atumudue namai ne hintimiu.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Tula-tulando rasulu 16:7

Sahatondo we kadieno Misia patudhundo damesua weo kadieno Bitinia, tamaka Rohino Yesus miina naꞌumundaꞌaanda.

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 8:9

Tamaka hintimiu ingka miinamo dumadiomu angkafi kapoindalono mbadha, dadiomu angkafiomu kaatono Rohino Lahataꞌala, ane kotu-kotuꞌu Rohino Lahataꞌala neate weo totono lalomiu. Mie tapa tumahimano Rohino Kristus, ingka suano fehebuaꞌano Kristus.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

2 Korintus 1:22

Padamo dua nokatanda kaita mbali fehebuaꞌano. Anoamo dua fowaꞌaono Rohino weo totono lalontoomu, somo kafekantoono dhandino ⸤ putae tetewei mada kaowu daꞌumawae kosasawiꞌae nedhandiꞌaono⸥ .

2 Korintus 3:17

O Ompu maitu o Rohi, maka ne amai kanandooꞌano Rohino Lahataꞌala, ne itumo dua kanandooꞌano kabebasi.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Efesus 4:30

Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Filipi 1:19

kapaꞌamo apandeꞌaane mbaꞌinomo sambaheamiu bhe katulumino Rohino Yesus Kristus damolapa kanau.

1 Tesalonika 4:8

Dadiꞌanomo ane bhe tumagalino katangahi aini, miina datumagali manusia, tamaka dotagalimo Lahataꞌala maꞌangkoomu Rohino mongkilono.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

Yudas 1:20

Tamaka hintimiu, bhahitieꞌiku timoasiꞌaono, potulu-tulumiomu so nodhulu kamatangkaꞌao kaparasaeamiu ne Yesus Kristus; kaparasaeamiu itu nongkilo mpuu. Sambaheaꞌomu weo kuasano Rohino Lahataꞌala.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”