Galatia 4:5 - Muna Southern Dialect

⁵ Katituduꞌano natumolosi mie dumadino weo kuhumano tubhono agama Yahudi, neanomo nasumangke kaita Lahataꞌala so anaꞌino.

Galatia 4:5 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Lukas 1:68

“Fosibhala kaitaomu Ompu Lahataꞌalando miendo Israel, kapaꞌamo Anoa nodongawi umati natumulumida, nomai notolosida.

Yohanes 1:12

Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

Roma 8:14

Kosasawindo mie mangkafino kaatono Rohino Lahataꞌala, ingka anaꞌinomo Lahataꞌala.

Roma 8:15

Rohi netahimamiu suano rohi so mobhatuakoomu toha sampe dadimiu sakateꞌi, tamaka tahimamoomu Rohi humabukoomu mbali anaꞌino Lahataꞌala. Hampanomo Rohi aini nembali dofokoamaomu ne Lahataꞌala.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

Roma 9:4

Andoa ini umatino Israel, padamo nosangkeda Lahataꞌala mbali anaꞌino, nofotiwohaanda kakalabhiano, padamo nehabu podhandiꞌa bhe andoa, nowaꞌanda tubhono agama, padamo nofohatoda nada amai dasumambahea bhe nowaꞌanda dua sabhaha dhandino.

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Galatia 4:21

Bhahitieꞌiku moindalono dumadino weo tubhono agama Yahudi, miina metingkeeꞌomua gahaꞌa wambano Kitabi anaꞌa?

Galatia 4:7

Dadiꞌanomo hintimiu suanomo bhatua tamaka anaꞌinomo Lahataꞌala. Ane kotu-kotuꞌu membalimoomu anaꞌino, ingka kohakuꞌaoꞌomu dua sabhaha nedhandiꞌaono Lahataꞌala so anaꞌino.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 9:12

⸤ Kristus nopesua weo Boloku Foliuno Kangkilo maitu⸥ sepaku kaowu ampa suhue dhamani. Wakutuu anaꞌa Anoa miina naewowoꞌo heano membe moꞌane tawa heano anano sapi mbali kapopanga, tamaka heano Wutono. Pedamo anaꞌa neꞌawamo kasalamatiꞌantoomu ampa suhue dhamani.

Ibrani 9:15

Kanandooꞌanomo Kristus nembalimo Poatoꞌaono podhandiꞌa buꞌou, neanomo mie toka nebhasino Lahataꞌala daeꞌawa sabhaha kadawu suhue dhamani peda nedhandiꞌaono Lahataꞌala. Bhahi-bhahiꞌae maitu nokadhadhia hampano bhe mateno, ⸤ ingka wutono Kristus,⸥ maka o matemo amaitu mobebasino manusia maiꞌao ne sabhaha kaꞌala nehabundo wakutuuno podhandiꞌa kabhao-bhaono.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Powoha 14:3

Andoa delagu-laguꞌao lagu buꞌou ne wiseno kaengkohaꞌa kumalabhiano bhe ne wisendo mahaluku fato uluno bhe ne wiseno kamu-kamungkulaꞌi. Bhe naseemie miina bhe membalino poguhuꞌaono lagundo, mpahinomo mie moꞌono fato fulu fato hewuno titolosino maiꞌao we dhunia.

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.