Galatia 4:3 - Muna Southern Dialect

³ Pedamo dua intaodiomu, nandoo kaanaꞌintoomu ⸤ maꞌanano miinaꞌo damarasaeaꞌomu ne Kristus⸥ nofobhatua kaita sabhaha rohi modai ne dhunia ini.

Galatia 4:3 Iomraidhean Croise

Matius 11:28

Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

Tula-tulando rasulu 15:10

Dadiꞌanomo, noafa solo-soloꞌaoꞌomu Lahataꞌala? Noafa fewowoꞌoniandaomu wowoꞌo pata nepoolindo awuaꞌintoomu bhe intaodiomu dua?

Roma 7:14

Ingka dopandeꞌaanemo tubhono agama Yahudi nomaiꞌao ne Rohino Lahataꞌala, tamaka idi ini o manusia monale. Padamo doaso kanau aembali bhatuano dhosa.

Roma 8:15

Rohi netahimamiu suano rohi so mobhatuakoomu toha sampe dadimiu sakateꞌi, tamaka tahimamoomu Rohi humabukoomu mbali anaꞌino Lahataꞌala. Hampanomo Rohi aini nembali dofokoamaomu ne Lahataꞌala.

2 Korintus 11:20

Ane dofobhatuakoomu mie bhaindo, pedamo dua dososopi kanandoomiu, doꞌakalaikoomu, dofekalangke diundo ne wisemiu, dobhantofakoomu, ingka tasabahamoomu.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

Galatia 3:19

Ane peda naꞌa so ae bhahaa katifokonandooꞌano tubhono agama Yahudi maitu? Kanandooꞌano tubhono agama Yahudi maitu ingka somo kaowu katubhahino so notipandeꞌaoꞌao kaꞌalando manusia. Tamaka tubho amaitu notipake kaowu ampa kahatoꞌano sampuꞌano Abraham nesambili weo podhandino Lahataꞌala saꞌituini. Tubhono agama Yahudi naꞌa dofosampee malaꞌekati ne seemie manusia ⸤ patudhuno, anabii Musa⸥ , so poatoꞌaono wamba ne manusia bhaino

Galatia 4:2

Anoa sadhia bhe mie umondofaono kafaraluuno bhe umurusuno sabhaha fehebuaꞌano, ampa nohato tempono peda netubhono amano.

Galatia 4:24

Kadhadhia aini nembalimo kaepalendaꞌa. Kapaꞌamo hobhine hoduano ini kaꞌibahatino haa honda podhandiꞌano Lahataꞌala bhe manusia. Hagar ⸤ neano hobhine bhatua naꞌa⸥ , kaꞌibahatino podhandiꞌa nehabu te gununo Sinai. Anaꞌi nefolenteno sanea bhatua.

Galatia 4:25

Dadiꞌanomo Hagar ini gununo Sinai we witeno Arabu. Anoa ini nembali dua dopototoane bhe kotano Yerusalem, kapaꞌamo ampa aini miendo Yerusalem saneamo bhatua ⸤ nofobhatuada tubhono agama Yahudi⸥ .

Galatia 4:31

Bhahitieꞌiku, ingka nentaleamo intaodiomu ini suano anaꞌino bhatua tamaka anaꞌino hobhine bebasi.

Galatia 4:8

Endefiꞌini miinaꞌo mandeꞌaoꞌomu Lahataꞌala, hintimiu nofobhatuakoomu sabhaha kuasa nefeompuniꞌimiu peda ompu, gahaꞌaitu suano Ompu sakotuꞌuno.

Galatia 4:9

Ampa aitu ingka pandeꞌaanemoomu Lahataꞌala, tawa labhiꞌaku dakumonae nopandeꞌaangkomoomu Lahataꞌala. Dadiꞌanomo noafa gahaꞌa suliꞌaoꞌomu ne rohi modai ne dhunia ini? Ingka andoa ini miina dakokuasa bhe miina dakoafa-afaa! Dadi noafa gahaꞌa gaomiu sumuli mobhatuaꞌao wutomiu ne andoa maitu?

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.

Ibrani 5:12

Sakotuꞌuno ingka temponomo membaliomu guru, tamaka koꞌulaꞌano ingka nandoo nofaraluu damoinaꞌuangkoomu kafetompunaꞌino dopoguhuꞌao bhoasaono Lahataꞌala. Hintimiu tabeano mohoꞌuomu kaowu oeno titi, paeꞌo mepooliomu oti motuꞌa.

Ibrani 7:16

Anoa dosangkee mbali imamu miina naengkoha ne atorano sampuꞌano manusia, tamaka katisangkeꞌano nengkoha ne kuasano dadi tapa kotompano.