Galatia 3:23 - Muna Southern Dialect

²³ Miinaꞌo damarasaeaꞌomu endefiꞌini, deateomu weo kuhumano tubhono agama Yahudi tapedamo mie netohongku, ampa dotahimaomu kaparasaea ne Kristus.

Galatia 3:23 Iomraidhean Croise

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Roma 11:32

Kapaꞌamo Lahataꞌala padamo nokalibu kosasawindo manusia weo kuhumano kameguulindo, somo dua naefosampuꞌao rahamatino ne kosasawindo manusia.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Galatia 3:19

Ane peda naꞌa so ae bhahaa katifokonandooꞌano tubhono agama Yahudi maitu? Kanandooꞌano tubhono agama Yahudi maitu ingka somo kaowu katubhahino so notipandeꞌaoꞌao kaꞌalando manusia. Tamaka tubho amaitu notipake kaowu ampa kahatoꞌano sampuꞌano Abraham nesambili weo podhandino Lahataꞌala saꞌituini. Tubhono agama Yahudi naꞌa dofosampee malaꞌekati ne seemie manusia ⸤ patudhuno, anabii Musa⸥ , so poatoꞌaono wamba ne manusia bhaino

Galatia 4:21

Bhahitieꞌiku moindalono dumadino weo tubhono agama Yahudi, miina metingkeeꞌomua gahaꞌa wambano Kitabi anaꞌa?

Galatia 5:18

Tamaka ane motawakalaomu dadimiu ne Rohino Lahataꞌala, ingka paemo namaraluua mangkafiomu sabhaha tubhono agama Yahudi.

Ibrani 11:13

Kosasawindo mie saꞌituini sanea dokokaparasaea sampe mate. Andoa miina daetahima sabhaha nedhandiꞌaono Lahataꞌala, tamaka kao-kaomo tadowoha we kodoꞌoꞌano o ae so neꞌawando mada kaowu maka doꞌiaꞌane. Pedamo aitu domangaku dembali mie humato bhe humampe we dhunia ini.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.