Galatia 3:12 - Muna Southern Dialect

¹² Tubhono agama Yahudi miina naengkoha ne kaparasaea, ⸤ tamaka nengkoha ne habu metaa⸥ , kapaꞌamo notibuhi weo Kitabino Musa, “Laꞌae kotu-kotuꞌu dhumalangino tubhono agama maitu, anoamo itu so meꞌawano dadi.”

Galatia 3:12 Iomraidhean Croise

Matius 19:17

Notobhoosimo Yesus ambano, “Noafa gahaꞌa feena kanauꞌao metaaꞌano? Ampamo Wutono Lahataꞌala metaaꞌano. Tamaka ane moindalo meꞌawa dadi suhue dhamani, angkafi pahintano Lahataꞌala.”

Roma 11:6

Lahataꞌala nopilida mbaꞌinomo rahamatino, suano mbaꞌinomo habundo. Kapaꞌamo ane kapilino Lahataꞌala maitu naengkoha ne habundo manusia, ingka rahamatino Lahataꞌala suanomo rahamati sakotuꞌunoa.

Roma 4:14

Ane so tumahimano dhandino Lahataꞌala ampamo kaowu mie dhumalangino tubhono agama Yahudi, ingka nosia-siamo kaparasaea ne Lahataꞌala, pakade dhandino Lahataꞌala maitu miinamo nakofahalaaꞌa.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Roma 7:10

Apandeꞌaomo laloku ingka tubhono agama kopatudhuno so meowano dadi, gahaꞌaitu meowanomo mate so idi.