Galatia 3:1 - Muna Southern Dialect

¹ Hintimiu miendo Galatia, kabhohemiu gahaꞌa! Nofobhohe-bhoheꞌikoomu laꞌae bhahaa ⸤ sampe hunsaomu kafoinaꞌu banara⸥ ? Ingka padamo afekantale-ntaleaꞌangkoeꞌomu mateno Yesus Kristus te sau salipu.

Galatia 3:1 Iomraidhean Croise

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 7:26

Laꞌae metingkeno pugauku ini tamaka miina namangkafie, nopototo bhe seemie bhohe moeheno lambuno te wawono bhone.

Lukas 24:25

Nopugaumo Yesus ambano, “Kabhohemiu gahaꞌa, kahenteno totono lalomiu, sampe miina marasaeaꞌomu sabhaha nekosuahaꞌaondo ana-anabii!

Tula-tulando rasulu 16:6

Andoa doangkai kadieno Frigia bhe kadieno Galatia mbaꞌinomo Rohino Lahataꞌala miina naꞌumundaꞌaanda daefolele Bhihita Metaa we kadieno Asia.

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

Roma 10:16

Tamaka miina kosasawindo miendo Israel dotahima Bhihita Metaa maitu. Anabii Yesaya nokowamba peda ini, “Ompu, nandoo bhahaa marasaeano bhihita neowa mani?”

Roma 2:8

Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

1 Korintus 11:26

Kapaꞌamo taenomo humaaꞌomu roti bhe fohoꞌuomu ne kampohoꞌuꞌa peda aini, ingka mefoleleomu bhihita mateno Ompu, ampa oleo so kahatoꞌano.

1 Korintus 2:2

Kapaꞌamo tokamo abhotusie kaomponano bhe hintimiu paise amohatoangkoomu sigaoꞌano, mpahinomo bhihitano Yesus Kristus, Anoamo mateno te sau salipu.

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

Galatia 1:2

Suha aini nomaiꞌao dua ne kosasawindo bhahitie marasaeano pobhai kanau we ini, so umati setobu-setobu we kadieno Galatia itu.

Galatia 1:6

Ingka amenteangkoomu dua. Hintimiu padamo nobhasikoomu Lahataꞌala hampano rahamatino Kristus, tamaka kahimbano dua kukundoeꞌomu, maka meangkafiomu bhihita metaa sigaoꞌano tapa maiꞌaono ne Lahataꞌala.

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

Galatia 3:3

Notolaumo bhahaa kabhohemiu? Ingka tandakiemoomu dadi buꞌoumiu weo kuasano Rohino Lahataꞌala, bhahaa mopansuhueꞌomu weo kuasano wutomiu ⸤ somo naosangkaꞌao dadimiu⸥ ?

Galatia 4:9

Ampa aitu ingka pandeꞌaanemoomu Lahataꞌala, tawa labhiꞌaku dakumonae nopandeꞌaangkomoomu Lahataꞌala. Dadiꞌanomo noafa gahaꞌa suliꞌaoꞌomu ne rohi modai ne dhunia ini? Ingka andoa ini miina dakokuasa bhe miina dakoafa-afaa! Dadi noafa gahaꞌa gaomiu sumuli mobhatuaꞌao wutomiu ne andoa maitu?

Galatia 5:11

Bhahitieꞌiku, pedamo dua wutoku ini. Ane ibahano nandoo afofoinaꞌuꞌao putae atorano suna nandoo nofaraluu, noafa gahaꞌa sadaa-daa dofodee-dee kanauꞌao? Ane ibahano nokotuꞌu afofoinaꞌu peda naꞌa, ingka nokomaꞌana bhihitano mateno Kristus te sau salipu paemo naembali tingkuno poꞌala-alatiꞌa.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Efesus 5:15

Dadiꞌanomo ondofaane fekataa-taaꞌe dadimiu. Koe dadi ngkabhohe-bhoheomu, tamaka dadiomu peda mie mande.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

1 Timotius 6:4

mie medando aitu nelangke diuno, gahaꞌaitumo miina nakonipandeꞌaoa. Ingka o sakinomo dua gaono mpuu sapotagali bhe mie bhaino, noꞌondofie mpuu pokelutiꞌano wamba, sampe nonandoo kakonduano lalo, powengke-wengkeꞌa, poꞌumbu-umbu, dukuno lalo tapa metaa,

Ibrani 11:8

Hampano kaparasaeano, Abraham neangka ne pahintano Lahataꞌala wakutuuno nobhasie bhe notudue nakumala we wite nedhandiꞌaono Lahataꞌala somo kahunsaꞌao so siwuluno. Abraham tanokalamo mahingga miina namandeꞌaanea nahumope ne amai.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 4:17

Aitu nohatomo tempono Lahataꞌala nabhitahakimo dhunia, natumanda ne umatino. Dadiꞌanomo ane kabhitahakino natumanda ne intaodiomu marasaeano, nada amai bhahaa losano mie tapa marasaeano ne Bhihita Metaa?

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Powoha 18:3

Kanandooꞌano peda maitu hampano sabhaha bansano liwu padamo dofohoꞌu angguruno nafusuu modai pokawite-wite, sabhaha omputo ne dhunia padamo dopokawite-wite bhe anoa, sabhaha daga ne dhunia ini dohangkaeamo dhohono nafusuuno modaiꞌano pontalabhi-labhino.”

Powoha 2:20

Tamaka nandoo pata nepoindaloku: hintimiu taꞌokatahoomu hobhine koneaꞌano Isebel, nokona wutono anabii. Ingka nofoinaꞌu bhe nofokolilino palima-limaku sampe dopokawite-wite bhe dohumaa oti kapopanga so barahala.