Galatia 2:7 - Muna Southern Dialect

⁷ Bhahamoa neangkaꞌindo umati maitu dopandeꞌaomo lalondo ingka idi ini noposahunaꞌa kanaumo Lahataꞌala aefolele Bhihita Metaa ne mie suano Yahudi, pedamo dua posahunaꞌaono Lahataꞌala ne Petrus naefolele Bhihita Metaa ne miendo Yahudi.

Galatia 2:7 Iomraidhean Croise

Tula-tulando rasulu 15:12

Kosasawindo umati humompuno miinamo dakodiua. Palusi anaꞌa dofetingkemo Paulus bhe Barnabas detula-tulaꞌao sabhaha tanda timenteꞌaono nehabuno Lahataꞌala mangkaꞌano ne limando ne wisendo bansano liwu suano Yahudi.

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 11:13

Apugau ne hintimiu, bansano liwu suano Yahudi! Hampano idi ini o rasulu so bansano liwu suano Yahudi, maka taka kaꞌondofaoku ini afosibhalae mpuu.

1 Korintus 9:17

Ibahano kahadhaa aini ahumabue amangkafi kapoindalono wutoku, tantumo naembali aesalo ponamboku. Tamaka kaefoleleꞌaku Bhihita Metaa suano kapoindaloku wutoku, ingka adhalangi kaowu taka neposahunaꞌaono Lahataꞌala ne idi.

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Galatia 1:18

Nopalusi tolu taꞌu, makaneꞌomo akala we Yerusalem so apoꞌawaꞌao Petrus, maka abutu we lambuno ompuluꞌa lima oleo.

Galatia 1:6

Ingka amenteangkoomu dua. Hintimiu padamo nobhasikoomu Lahataꞌala hampano rahamatino Kristus, tamaka kahimbano dua kukundoeꞌomu, maka meangkafiomu bhihita metaa sigaoꞌano tapa maiꞌaono ne Lahataꞌala.

Galatia 2:11

Tamaka wakutuuno Petrus nomai we Antiokia, mentalea-mentalea afoꞌalae, kapaꞌamo daanumo noꞌala.

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

1 Tesalonika 2:4

Insaodi tapugau suano so tamekaꞌiaꞌao lalondo manusia, tamaka so tamekaꞌiaꞌao lalono Lahataꞌala, umudhinomo totono lalo mani. Kapaꞌamo Lahataꞌala noabhi kainsami nopantasi noposahunaꞌao kainsami Bhihita Metaa tamolelee.

1 Timotius 1:11

Kafoinaꞌu anaꞌa nopoangkafi bhe Bhihita Metaa maiꞌaono ne Lahataꞌala, kumalabhiano bhe mantasiꞌano damosibhalae. Bhihita Metaa ainimo nefoposahunaꞌaono Lahataꞌala ne idi so amolele.

1 Timotius 2:7

Kanandooꞌanomo idi ini nosangke kanau aembali guru bhe rasulu meowano bhihita ne mie suano Yahudi, amoleleanda bhihitano kaparasaea bhe kabanara. Wambaku ini nokotuꞌu, miina akopahaa.

2 Timotius 1:11

Somo Bhihita Metaa aini, Lahataꞌala nosangke kanau so mosampeno bhoasaono, o rasulu bhe guru.

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.