Galatia 2:21 - Muna Southern Dialect

²¹ Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.

Galatia 2:21 Iomraidhean Croise

Markus 7:9

Ambano toha Yesus, “Ingka kapandemiu, hunsaeꞌomu pahintano Lahataꞌala, so namatangkaꞌao adhatimiu.

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Roma 11:6

Lahataꞌala nopilida mbaꞌinomo rahamatino, suano mbaꞌinomo habundo. Kapaꞌamo ane kapilino Lahataꞌala maitu naengkoha ne habundo manusia, ingka rahamatino Lahataꞌala suanomo rahamati sakotuꞌunoa.

Roma 4:25

Anoamo mada neowa ne limando fopongkono dhohono dhosantoomu, tamaka padamo dua nofowanue Lahataꞌala maiꞌao ne mate so naembaliꞌao dasumuli dapometaa bhe Lahataꞌala.

Roma 8:31

Dofekihi bhahi-bhahiꞌae naꞌa, kaowu damugaumo nada amai bhahaa? Ane Lahataꞌala notai ne intaodiomu, laꞌae bhahaa so mondoino foewangino?

1 Korintus 15:14

Tamaka ane ibahano Kristus pae namanu maiꞌao ne mate, ingka nosia-sia bhihita nefolele mani, nosia-sia dua kaparasaeamiu.

1 Korintus 15:17

Ane ibahano Kristus paise namanu maiꞌao ne mate, maka miina nakofahalaa kaparasaeamiua, hintimiu sadaa-daa dadiomu weo dhosa.

1 Korintus 15:2

Noangka ne Bhihita Metaa aini dofosalamatikoomu, sumanomo fekatangka fintahakieꞌomu, peda toka nefosampeku. Ane paise, ingka nosia-siamo kaparasaeamiua.

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Galatia 2:18

Ane asumuli amowanu atorano agama toka nehunggaku, ingka afotiwohamo wutoku seemie melempagino atorano agama.

Galatia 3:21

Ane peda naꞌa nopotagali bhahaa tubhono agama Yahudi bhe dhandino Lahataꞌala? Ingka miina sepaliꞌa. Kapaꞌamo ane ibahano tubhono agama Yahudi dowaꞌandae manusia so daeꞌawaꞌao dadi, tantumo manusia naembali natumahimada Lahataꞌala peda mie banara namangka ne tubhono agama maitu.

Ibrani 7:11

Tubhono agama Yahudi ingka dofosampee ne miendo Israel nengkoha ne kaꞌimamuꞌano Lewi. Ane ibahano takano imamu naꞌa neowamo dadi sumangka, noafa bhahaa nofaraluuꞌao desangke dua seemie imamu sigaoꞌano, imamu peda Melkisedek, suano maiꞌao ne sampuꞌano imamu Harun?