Galatia 2:1 - Muna Southern Dialect

¹ Nopalusi ompulu fato taꞌu, asuli toha we Yerusalem apoowa bhe Barnabas, awowoꞌo dua bhe Titus.

Galatia 2:1 Iomraidhean Croise

Tula-tulando rasulu 11:25

Pada anaꞌa Barnabas nokalamo we Tarsus noꞌondofi Saulus. Hato nopoꞌawaane nowowoꞌoemo we Antiokia.

Tula-tulando rasulu 11:30

Kamafakando naꞌa dodhalangie maka dotudu Barnabas bhe Saulus damowa dhoi naꞌa we kamungkulaꞌindo umati marasaeano we Yudea.

Tula-tulando rasulu 12:25

Palusi dodhalangi takando doꞌondofao umati we Yerusalem, Barnabas bhe Saulus dosulimo we Antiokia. Dowowoꞌo dua bhe Yohanes, nekonando Markus.

Tula-tulando rasulu 13:2

Seꞌoleo tangasano dosambahea ne Ompu bhe dopoasa, nokobhoasaomo Rohino Lahataꞌala, “Fekakopuuni kanauꞌomu Barnabas bhe Saulus so dadhumalangiꞌao taka nefotantuku so andoa.”

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

Tula-tulando rasulu 14:12

Barnabas dokonae dewa Zeus, Paulus dokonae dewa Hermes hampano anoamo mugauno.

Tula-tulando rasulu 15:25

Aitu padamo tamafakaane taepili seemie hodua so netudu mani damai we hintimiu itu. Andoa damai dapoowa-owa bhe Barnabas bhe Paulus, bhahitie nemoasiꞌao mani.

1 Korintus 9:6

Bhahaa mpahinomo Barnabas bhe idi pata kohakuno so bebasino maiꞌao ne kahadhaa taeꞌondofi nehumaa mani?

2 Korintus 2:13

Ampamo kaowu totono laloku miina natumohopoa, hampano miina apoꞌawa bhe bhahitieku Titus. Dadiꞌanomo lasao afealai maka apansuhu ne Makedonia ini.

2 Korintus 8:16

Notumpu lalo mani ne Lahataꞌala hampano Titus nowaꞌane kakampuu-mpuuno lalo noꞌondofao hintimiu, nopototo bhe insaodi.

2 Korintus 8:23

Titus ini ingka sabhangkaku pobhai kanau takahadhaa so hintimiu; pedamo dua bhahitie ⸤ hoduano⸥ mangkafie itu, ingka andoa katudundo umati, mie meowano kafosibhala so Kristus.

Galatia 1:18

Nopalusi tolu taꞌu, makaneꞌomo akala we Yerusalem so apoꞌawaꞌao Petrus, maka abutu we lambuno ompuluꞌa lima oleo.

Galatia 2:13

Gahaꞌa bhahitie miendo Yahudi sigaoꞌano doangkafi dua kafehaaꞌulano naꞌa, sampe mahingga Barnabas nokaangka-angkamo dua.

Galatia 2:3

Tamaka mahinggamo Titus poowaꞌaku maitu miendo Yunani, anoa miina damosuhuea naesuna.

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

Titus 1:4

Titus, hintu anaku mpuu, kapaꞌamo intaodi saneamo marasaeano ne Kristus. Sio-siomo sadhia napobhaiangko kanini kaasi bhe katohopono dadi maiꞌao ne Lahataꞌala Amantoomu bhe Kristus Yesus Mosalamati kaita.