Galatia 1:2 - Muna Southern Dialect

² Suha aini nomaiꞌao dua ne kosasawindo bhahitie marasaeano pobhai kanau we ini, so umati setobu-setobu we kadieno Galatia itu.

Galatia 1:2 Iomraidhean Croise

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 18:23

Seꞌoleo haa oleo kaowu dua neate we Antiokia, nokalamo toha noangkai kadieno Galatia bhe Frigia, namekatangka lalondo kosasawindo mangkafino Yesus ne itu.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

1 Korintus 16:1

Aitu apugauꞌao foꞌonuꞌano dhoi so umati marasaeano ⸤ we Yerusalem⸥ ; naetaa angkafiomu atora nefohatoꞌaoku ne sabhaha tombudo umati we kadieno Galatia.

Galatia 3:1

Hintimiu miendo Galatia, kabhohemiu gahaꞌa! Nofobhohe-bhoheꞌikoomu laꞌae bhahaa ⸤ sampe hunsaomu kafoinaꞌu banara⸥ ? Ingka padamo afekantale-ntaleaꞌangkoeꞌomu mateno Yesus Kristus te sau salipu.

Filipi 2:22

Ingka wohaemoomu bukutiino Timotius ini nokofahalaamo, anoa sadhia notulumi kanau weo foleleꞌano Bhihita Metaa, kabeanga anano bhe amano.

Filipi 4:21

Fosampe kanauꞌomu salam ne kosasawindo umati mongkilono seꞌiseno bhe Kristus Yesus. Tahimaomu dua salam maiꞌao ne bhahitieꞌi pobhai kanau ne ini.