Filipi 4:9 - Muna Southern Dialect

⁹ Dhalangiomu sabhaha nepoguhuꞌaomiu bhe netahimamiu maiꞌao ne idi, naetaa nefetingkemiu weo pugauku, naetaa newohamiu weo diuku. Maka Lahataꞌala fowaꞌaono katohopono dadi napobhaiangkoomu.

Filipi 4:9 Iomraidhean Croise

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Matius 7:21

Suano kotika mie kumangkonano neaku, ‘Ompu! Ompu!’ so mesuano surugaa, tamaka mie mangkafino kapoindalono Amaku te surugaa.

Lukas 6:46

“Noafa kona kanauꞌomu, ‘Ompu, Ompu’, gahaꞌaitu miina mangkafieꞌomu pugauku?

Lukas 8:21

Tamaka Yesus tanotobhoosi ambano, “Mie metingkeno bhe dhumalangino bhoasaono Lahataꞌala, andoamo ini inaku bhe bhahitieꞌiku.”

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Yohanes 15:14

Hintimiumo sabhangkaꞌiku, sumanomo mangkafiomu pahintaku.

Yohanes 2:5

Tamaka inano Yesus nopugau ne mie mehe-mengkohano ambano, “O ae maka dua netuduꞌaono, angkafieꞌomu!”

Tula-tulando rasulu 9:6

Aitu wanuꞌo toha, pesuamo weo kota, ne itu damohatoangkomo so nehabumu.”

Roma 15:33

Sio-siomo Lahataꞌala kamaiꞌaoꞌano katohopono dadi napobhaiangkoomu. Amin.

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

1 Korintus 10:31

⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.

1 Korintus 14:33

Kapaꞌamo Lahataꞌala miina namoindalo kahungga, tamaka nopoindalo dadi tiꞌatoro. Peda kaneano ne kosasawindo umatino Lahataꞌala ne amai maka dua,

1 Korintus 4:16

Dadiꞌanomo aesalo mpuu, angkafiomu sandaha nefotiwohaku!

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Filipi 3:17

Bhahitieꞌiku, mesandahaomu ne idi. Padamo tafotiwohaangkoomu sandaha metaa, dadiꞌanomo fotinda-tindaeꞌomu mie mesandahano ne insaodi ini.

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

1 Tesalonika 2:14

Aitu bhahitie mani, namisiemoomu dua nenamisindo tombu-tombudo umatino Lahataꞌala seꞌiseno bhe Kristus we Yudea. Maꞌanano menamisiomu kakadee-dee maiꞌao ne saliwumiu, pedamo dua umatino Lahataꞌala we Yudea denamisi kakadee-dee nomaiꞌao ne miendo Yahudi saliwundo.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

2 Tesalonika 3:4

Taparasaea mpuu ne Ompu putae sabhaha kafoinaꞌu mani habuemoomu bhe humabueꞌomu kansuhu.

2 Timotius 4:22

Sio-siomo Ompu napobhaiꞌao totono lalomu. Sio-siomo dua namaꞌangkoomu kabarakatino.

Yakobus 1:22

Hintimiu tabeano dhumalangieꞌomu bhoasaono Lahataꞌala, koise tafetingkeomu kaowu. Kapaꞌamo ane taꞌometingkeeꞌomu kaowu, ingka bhohe-bhoheꞌimoomu wutomiu.

2 Petrus 1:10

Dadiꞌanomo bhahitieꞌiku, uleiꞌe mpuu lalomiu fotiwohaeꞌomu putae kotu-kotuꞌu hintimiu itu nobhasikoomu bhe nopilikoomu Lahataꞌala. Ane humabuomu nada anaꞌa, ingka paise mondawuomu weo dhosa tawa sumowoaneomu kaparasaeamiu.

1 Yohanes 3:22

Ane nada naꞌa, o ae maka nemesalonto tetewei daꞌumawae, hampano deangka ne pahintano Lahataꞌala bhe dehabu posahataaꞌano bhe lalono.