Filipi 4:8 - Muna Southern Dialect

⁸ Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

Filipi 4:8 Iomraidhean Croise

Matius 22:16

Dotudumo anaguhuꞌindo dapoowa-owa bhe mieno kolaki Herodes dofeena ne Yesus ambado, “Guru, tapandeꞌaane nelaa lalomu. Weo kalaano lalomu fofoinaꞌuꞌao sala metaano Lahataꞌala so manusia. Miina koniengatia, hampano miina poꞌala-alaanda manusia.

Markus 6:20

Kapaꞌamo Herodes padamo netudu mie dadhumagani Yohanes, mbaꞌinomo nomihikie, nopandeꞌaane Yohanes maitu mie metaa, mie mongkilo. Ane nopugau Yohanes, noasiane dua nofetingkee mahingga totono lalono miina nahumempoa.

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Lukas 2:25

We Yerusalem nandoo seemie koneaꞌano Simeon. Anoa ini mie banara lumebeno, nontaa-ntaa kasalamatiꞌando miendo Israel. Rohino Lahataꞌala nopobhaiane,

Lukas 23:50

Nandoo seemie koneaꞌano Yusuf, nopesua dua ne Sahano Agama. Anoa ini mie metaa bhe mie banara,

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

Tula-tulando rasulu 22:12

Ne kota aitu nandoo seemie koneaꞌano Ananias. Anoa ini mie lumebeno, nofintahaki tubhono agama bhe dofosibhalae sepaliꞌa kosasawindo miendo Yahudi ne kota aitu.

Tula-tulando rasulu 6:3

Dadiꞌanomo, bhahitie-bhahitie, mepili kaitaomu dapipitu ne olotando mie marasaeano, maka tasumangkeda so umondofaono kafaraluu aini. Mie so nepilintoomu tabeano mie metaa weo pomatando mie bhahi, tabeano nekabhintino Rohino Lahataꞌala bhe dokotimbangi.

Roma 13:13

Dadi kaitaomu mantasiꞌano peda mie meateno we mentaleaꞌano. Koe sakahame dohumaa dofohoꞌu bhe dololanu, koe dopokawite-wite bhe konafusuu modai, koe dopowengke-wengke bhe dopokondu-konduaꞌao lalo.

Roma 13:3

Ane dohabu metaa tantumo miina namaraluua daoteꞌi ne pamarintaa, ingka mpahinomo humabu modaino. Poindaloomu bhahaa weo dadimiu pae moteꞌiomu ne pamarinta? Ia habu metaaꞌomu, ingka tetewei damudhikoomu pamarinta.

Roma 14:18

Mie meompuno ne Kristus peda amaitu, anoamo itu mekaꞌiano lalono Lahataꞌala bhe nefosibhalando mie bhaino.

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

2 Korintus 13:7

Insaodi tasambahea ne Lahataꞌala keana mehabuomu modaiꞌano. Patudhu mani suano so notiwohaꞌao putae taka mani nokohasilimo, tamaka neanomo hintimiu mehabuomu metaaꞌano. Hunsaꞌanomo wohaꞌano taka mani miina nakohasilia.

2 Korintus 6:8

dofosibhala kainsami tamaka dofekaꞌaebu kainsami dua, doꞌumbu kainsami tamaka dopudhi kainsami dua, mahinggamo nelaa lalo mani dofisikopahai kainsami;

2 Korintus 8:18

Nopoowa bhe anoa tatudu dua seemie bhahitie tipudhino ne sabhaha tombudo umati, hampano kahadhaano weo foleleꞌano Bhihita Metaa.

2 Korintus 8:21

Patudhu mani sadhia taehabu metaaꞌano, suano kaowu ne wiseno Lahataꞌala tamaka ne wisendo dua manusia.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Efesus 4:25

Kanandooꞌanomo bhahitieꞌiku, koemo kopahaomu, pugauꞌomu kumotuꞌuꞌano ne mie bhaimiu, kapaꞌamo intaodi ini saneamo katokano mbadhano Kristus.

Efesus 5:9

Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

Efesus 6:14

Fekatangkae kofindamiu, sadhia habuomu banaraꞌano, somo mekamatangkakoomu kanggetu kawawe ne aamiu. Pakeomu podiu kaꞌadhili, somo bentengino mbadhamiu, kanggetu bhadhu uti.

Filipi 3:1

Panda-pandano, bhahitieꞌiku, fowula lalomiu mbaꞌinomo seꞌiseomu bhe Ompu. Miina naobhie laloku amenduaꞌangkoomu nebuhiku endefiꞌini, hampano aitu netaa so katohopono kaparasaea ⸤ keana nepingka-pingka⸥ .

Kolose 4:5

Pedamo pokaiꞌamiu bhe mie tapa marasaeano, dadi kotimbangiomu. Kotika bhe kasalawa, pake metaaꞌeomu.

1 Tesalonika 4:12

Ane nada anaꞌa, pae membaliomu wowoꞌono mie bhaimu, dadimiu naetaa ne pomatano mie sigaoꞌano tapa marasaeano ne Kristus.

1 Timotius 2:2

Mesalo so sabhaha kolaki bhe kosasawindo mintahano kuasa weo liwu, neanomo dadintoomu natohopo mpuu weo kofeompuntoomu ne Lahataꞌala bhe podiu metaa ne mie bhainto.

1 Timotius 3:11

O hobhinendo dua tabeano mie metaano diu, suano mie pande umbu, tabeano damoolie damewanaki totono lalondo bhe datiparasaea mpuu.

1 Timotius 3:4

Anoa ini tabeano netaa nofefotuꞌao polambuno, notiangka bhe dofosibhalae anaꞌino.

1 Timotius 4:12

Koise bhe misakiko mbaꞌinomo nandoo nohangku dadimu. Tamaka membalimo sandaha so neangkafindo mie marasaeano, weo pugaumu, weo podiumu, weo kanini kaasi ne mie bhaimu, weo kaparasaeamu ne Kristus Yesus bhe weo kangkilono dadimu.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

1 Timotius 5:2

Kamungkulaꞌi hobhine pototoanda bhe inamu; hobhine mohangkuno dadi pototoanda dua bhe kakutaꞌamu, namaiꞌao ne fekihimu mongkilono.

Titus 1:8

Neangkando umati tabeano nohelasi nefotiampe mie weo lambuno, nopoindaloe habu metaa, nopooli nofewanaki totono lalono, nokotimbangi, noꞌadhili bhe nongkilo totono lalono.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Titus 2:2

Tangahida kamungkula moꞌane tabeano damoolie damewanaki totono lalondo, namantasi damosibhalada, bhe dakotimbangi. Kaparasaeando ne Kristus tabeano nakumampuu-mpuu, kanini kaasindo ne mie bhaindo sadaa-daa bhe dapotaami weo kasabha.

Titus 2:7

Wutomumo so membalino sandahando weo habu metaa. Ane fofoinaꞌu, tabeano naelaa totono lalomu bhe kumampuu-mpuu,

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

Ibrani 11:2

Hampano kaparasaeando, mie dhamani wawono nosambili metaada ⸤ Lahataꞌala⸥ .

Ibrani 13:18

Sambahea kainsamiomu. Tapandeꞌaanemo mpuu totono lalo mani kumatanga-tangano nongkilo, hampano kapoindalo mani ne ae maka dua sadhia tadumadi metaa.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

1 Petrus 4:8

Tamaka fofoliuꞌano, pomoa-moasiꞌao sampuu-mpuuno lalomiu, kapaꞌamo ane dopomoa-moasiꞌao dohelasimo dua dopomaꞌa-maꞌafuꞌao, mahingga nobhahi kaꞌalando.

2 Petrus 3:1

Bhahitieꞌiku timoasiꞌaono, aini o suhakumo kahaa pakuno. Ne kohaatangkeꞌae suhaku ini aꞌuleiꞌe laloku afeꞌulaiangkoomu bhahi-bhahiꞌae ini so nomoindaꞌao fekihimiu.

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.

1 Yohanes 3:3

Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.