Filipi 4:5 - Muna Southern Dialect

⁵ Naetaa kamaluno lalomiu damandeꞌaane sabhaha mie, kapaꞌamo Ompu nomaꞌomo nahumatoa.

Filipi 4:5 Iomraidhean Croise

Matius 6:25

“Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Matius 6:34

Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

1 Korintus 16:22

Laꞌae pata moasiꞌaono Ompu, nobalaamo! Maranata!

1 Korintus 6:7

Hampano pomobhi-mobhieꞌaoꞌomu kaowu sapada-pada hintimiu, ingka nokomaꞌana seꞌisemo dua katalomiu. Noafa bhahaa ane taꞌotumuhumoomu mahinggamo pae naꞌumadhilia? Noafa bhahaa ane taꞌotumahimamoomu mahingga damekahugikoomu?

1 Korintus 8:13

Dadiꞌanomo ane o oti nehumaa naembali kakodhosaꞌano bhahitieku, akiido sepaliꞌa aomaa oti aitu ampa suhue dadiku, keana aehabu dhosa so bhahitieku naꞌa.

1 Korintus 9:25

Sasuka mie so meangkafino potandingiꞌa tabeano nokane-kanea mbadhano bhe nopooli nofewanaki totono lalono. Aini dodhalangie so kaowu daeꞌawaꞌao kawaꞌao so fotalono, ingka o kataheno kamba-kamba pikimoleuno. Tamaka intaodiomu dodhalangi bhahi-bhahiꞌae naꞌa so daeꞌawaꞌao kawaꞌao so pata molooleuno ampa suhue dhamani.

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Tesalonika 2:2

koise lasao nebhali-bhalii fekihimiu bhe haliaꞌomu mbaꞌinomo nandoo bhihita putae oleono Ompu nohatomo. Bheanea bhihita maitu nomaiꞌao ne pugauno seemie kosuahano peda anabii, bheanea seꞌise kafoguhu, bheanea nomaiꞌao ne suhando mie kao-kaomo maiꞌaono ne insaodi.

Titus 3:2

Fohatoda dua koise dofoꞌumbu, koe dopotaga-tagali, tamaka dapometaa bhe damotiwoha kamaluno lalondo ne sabhaha mie.

Ibrani 10:25

Koe dowoowulea dopohompu-hompuomu dosambahea, peda kaneando seemie hoduano mantawano itu. Intaodiomu tabeano dapotanga-tangahiomu, bhe nasedhuluꞌa kakampuu-mpuuno lalo hampano dowohaomu oleo so kahatoꞌano Ompu dhulu kamaꞌo.

Ibrani 10:37

Kapaꞌamo ⸤ notibuhi weo Kitabi⸥ , “Tana sekabantaha sepaliꞌa, Anoa so maino ingka nahumatomo, paemo namodhulu tempono.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

Powoha 22:20

Anoa fofohatoꞌaono bhihita aini nopugau ambano, “Uumbe, apikimaimo!” Amin, maimo Hintu Ompu Yesus!

Powoha 22:7

⸤ Ambano Yesus⸥ “Tandaiꞌeomu! Apikimaimo. Dokodawua mpuu mie mangkafino sabhaha nekosuahaꞌaono anabii tibuhino weo kitabi aini.”