Filipi 4:3 - Muna Southern Dialect

³ Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

Filipi 4:3 Iomraidhean Croise

Lukas 10:20

Ampamo kaowu koise moꞌiaꞌomu mbaꞌinomo seetani doangkafi pahintamiu, tamaka fowula lalomiu hampano neamiu notibuhimo te surugaa.”

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Roma 16:12

Salam so Trifena bhe Trifosa, hobhineꞌi aini dokahadhaa mobhie doꞌondofao Ompu. Salam dua so Persis nemoasiꞌaoku, hobhine aini nokahadhaa mobhie dua noꞌondofao Ompu.

Roma 16:9

Salam so Urbanus, posabhangkaꞌaku weo kahadhaa so Kristus, bhe dua so Stakis, bhahitie nemoasiaꞌaoku.

Filipi 1:12

Bhahitieꞌiku, gaoku mandeꞌaaneomu putae kumadhadhiaꞌano ne idi ini ⸤ maꞌanano dotohongku kanau ini⸥ , mbali kaowu nofodhuluꞌao kaꞌewano leleno Bhihita Metaa.

Filipi 1:16

Andoa melaano lalo ini dohabu peda aini mbaꞌinomo kanini kaasindo ne Lahataꞌala bhe ne idi, kapaꞌamo dopandeꞌaane kahatoꞌaku ne ini so apotunduꞌao Bhihita Metaa.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Filipi 1:5

Notumpu laloku ne Lahataꞌala mbaꞌinomo hintimiu mealaomu dawu tulumi kanauꞌomu weo foleleꞌano Bhihita Metaa, notanda oleo kabhao-bhaono ⸤ parasaeaꞌomu⸥ taꞌampamo aitu.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Filipi 4:2

Euodia bhe Sintike, aesalo mpuu ne hintimiu hoduano: pometaaꞌomu, sekakolaloomu peda bhahitie weo Ompu.

Kolose 1:7

Bhahi-bhahiꞌae naꞌa ingka pandeꞌaanemoomu maiꞌao ne Epafras, bhahitie mani timoasiꞌaono, sabhangka mani weo kahadhaano Ompu. Anoa ini nokampuu-mpuu weo kaꞌondofao ne Kristus so hintimiu.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.

Powoha 21:27

Tamaka pae bhe giu moharamu so mesuaꞌano weo kota, tawa mie mehabuno timohakuno, tawa mie kopahano, mpahinomo andoa tibuhino nea weo Kitabindo Mie Dumadi, kitabinomo Anano Dhumba.

Powoha 3:5

Sasuka fotalono damopakeane pakea kapute pedando naꞌa; neando tibuhino weo Kitabino Mie Dumadi paemo amosaliea. Ne wiseno Amaku bhe ne wisendo dua malaꞌekatino, aꞌumakuida putae andoa maitu fehebuaꞌaku.