Filipi 3:8 - Muna Southern Dialect

⁸ Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

Filipi 3:8 Iomraidhean Croise

Lukas 1:43

Laꞌae bhahaa idi ini sampe inano Ompuku nodongawi kanau?

Lukas 11:20

Tamaka ane aefolimba seetani apake kuasano Lahataꞌala, sakotuꞌuno nohatokoomu Kafopahintaꞌano Lahataꞌala.

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 14:7

Ane mandeꞌa kanauꞌomu, tetewei mandeꞌaaneomu dua Amaku. Aitu ingka pandeꞌaanemoomu bhe wohaemoomu.”

Yohanes 16:3

Kahabuꞌandomo peda naꞌa hampano miina damandeꞌao Amaku, miina dua damandeꞌao Idi.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 20:13

Dofeenaemo malaꞌekati naꞌa ambado, “Waꞌina noafa gahaꞌa moꞌaeꞌao?” Notobhoosimo Maria ambano, “Ompuku doalae mie, miina amandeꞌaanea bhahaꞌi doowae ne amai.”

Yohanes 20:28

Ambano Tomas ne Yesus, “Ompuku bhe Lahataꞌalaku.”

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Roma 8:18

Aparasaea mpuu, sabhaha kakadee-dee netompalointo ne dhamani aini pae sepaliꞌa napobandingia bhe kakalabhia pataꞌo tiwohaꞌano so neꞌawantoomu mada kaowu.

Roma 8:39

kokuasano te lani tawa kokuasano we wite, tawa mahaluku sigaoꞌano, saneamo pae damoolia dapogaati kaita bhe kanini kaasino Lahataꞌala mangkaꞌano ne Kristus Yesus Ompuntoomu.

1 Korintus 2:2

Kapaꞌamo tokamo abhotusie kaomponano bhe hintimiu paise amohatoangkoomu sigaoꞌano, mpahinomo bhihitano Yesus Kristus, Anoamo mateno te sau salipu.

1 Korintus 9:10

Bhahaa bhe intaodiomu dua nepulaoꞌaono naꞌaa? Ingka anoamo, aini notibuhi so intaodiomu. O mie melukuno wite bhe mie pogaatiꞌaono onuno gandum bhe kunsalono, tantumo dokahadhaa weo kaposahunaꞌao tetewei damaꞌanda bhe dawuno kaowuleꞌando.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Efesus 4:13

Ane nadamo aini, intaodiomu kotu-kotuꞌu daseꞌisemoomu weo kaparasaea bhe napototomo dua pomaꞌanantoomu ne Anano Lahataꞌala; daembalimoomu mie tumangkano dadi, dhulu oleo dhulu kasangka peda wutono Kristus foliuno kasumangka.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

Filipi 3:10

Ampamo sehonda kapoindaloku: amandeꞌao Kristus, amandeꞌao dua kuasa kawanuꞌano maiꞌao ne mate, bhe aeala dawu weo kakadee-deeno, neanomo asekatu bhe Anoa weo mateno.

Filipi 3:12

Miina amugau putae bhahi-bhahiꞌae naꞌa apoꞌawaanemo, maꞌanano aembalimo mie sumangkano totono lalo. Ampamo kaowu aꞌule-ulei laloku bhahaꞌi kaowu aꞌumawaꞌao kawaꞌao nefontaa-ntaano Kristus, tapedamo mie pogolono tumendeno. Anaꞌaemo patudhuno Kristus nopundu kanau mbali fehebuaꞌano.

Filipi 3:7

Kosasawiꞌae naꞌa endefiꞌini kunaꞌekumo kanggetu laba ⸤ so meowa kanau kasalamati⸥ , tamaka aitu akonaemo kahugi hampano Kristus.

2 Timotius 4:6

Ane wutoku, ampa aini heaku nopotuhumo mbalimo kabubusino kapopanga so Lahataꞌala. Nomaꞌomo tempono ahumunsa dhunia ini.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

1 Petrus 2:7

Kontu anaꞌa nokoharagaa sepaliꞌa so hintimiu marasaeano, tamaka so mie tapa marasaeano nopokantibhamo bhe kabuhino Kitabi peda aini, “O kontu neꞌohondo mefelambuno, ingka nembalimo sandi bhalano.”

2 Petrus 1:2

Sio-siomo sadhia namaꞌangkoomu kabarakati bhe katohopono dadi pontalabhi-labhino, hampano kaparasaeamiu ne Lahataꞌala bhe ne Yesus Ompuntoomu.

2 Petrus 1:3

Lahataꞌala nopakemo kuasa Kaseemie-mieꞌano, nowaꞌa kaita sabhaha maraluuꞌano so dadumadi lumebeꞌao. Kafowaꞌaoꞌano hampano dopandeꞌaanemoomu Kristus, Anoamo fobhasino so daealaꞌao dawu weo kakalabhiano bhe kataano lalono.

2 Petrus 1:8

Ane kosasawiꞌae podiu saꞌituini makesieꞌomu dhulu oleo dhulu kantuhu, tetewei nakumaꞌende-ende totono lalomiu kumahadhaaꞌomu bhe nakohasili metaa, sampe sedhuluꞌa dua mandeꞌaaneomu Yesus Kristus Ompuntoomu.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.