Filipi 3:20 - Muna Southern Dialect

²⁰ Tamaka intaodiomu ini, o liwuntoomu ingka te surugaa. Surugaamo dua anaꞌa so kamaiꞌaoꞌano Omputo Fosalamatino Yesus Kristus nentaa-ntaantoomu.

Filipi 3:20 Iomraidhean Croise

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Lukas 12:21

Nadamo aitu so netompaloino mie mefoꞌonuno kahangkaea so wutono, tamaka miina nahumangkaea ne pomatano Lahataꞌala.”

Lukas 14:14

Ane nada naꞌa hintu kodawua mpuu, kapaꞌamo andoa maitu miina bhe ae-aenondoa so kabhoosino habu metaamu. Habu metaamu naꞌa nabholosiangkoe Lahataꞌala nahumato kawanuꞌando mie banara maiꞌao ne mate.”

Tula-tulando rasulu 1:11

“Miendo Galilea, noafa gahaꞌa mentoha-ntohaꞌaoꞌomu te lani? Yesus, newohamiu notisangke saꞌituini, namada kaowu nasumuli toha we dhunia ini, napototo hatono bhe kalano newohamiu saꞌituini.”

1 Korintus 1:7

Dadiꞌanomo miinamo bhe kapooli nedawuꞌaono Rohino Lahataꞌala nemokaeꞌaomiua maka taanta-antagimoomu oleo so katiwohaꞌano Ompuntoomu Yesus Kristus ne sabhaha mie.

1 Korintus 15:48

Sabhaha mie dumadino ne dhunia ini, nopototo mbadhando bhe manusia kabhao-bhaono maiꞌaono ne bungahasi. Sabhaha mie so dumadino te surugaa napototo mbadhando bhe manusia maiꞌaono te surugaa.

2 Korintus 4:18

Insaodi miina taoheruao tiwohaꞌano tamaka tapa tiwohaꞌano, hampano tiwohaꞌano ingka sekabantaha kaowu, tamaka tapa tiwohaꞌano nonandoo ampa suhue dhamani.

2 Korintus 5:8

Dadiꞌanomo notangka totono lalo mani, tanamisie naetaamo tagumampi maiꞌao ne mbadha kasara ini maka taeate bhe Ompu.

Galatia 4:26

Tamaka hobhine bebasi ⸤ neano Sara⸥ , kaꞌibahatino Yerusalem te surugaa. Anoa ini inantoomu ⸤ hampano miinamo namobhatuaꞌe tubhono agama Yahudi⸥ .

Efesus 2:19

Dadiꞌanomo, hintimiu suanomo mie we sembali tawa mie humampe. Ampa aitu hintimiu saneamo saliwuno umati mongkilo, saneamo dua mie weo polambuno Lahataꞌala.

Efesus 2:6

Hampano kaseꞌisentoomu bhe Kristus Yesus, Lahataꞌala nofowanu kaitamo dua maiꞌao ne mate maka nowaꞌa kaita dua kaengkohaꞌa dopoowa-owa bhe Kristus te surugaa.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

1 Tesalonika 1:10

Ambado dua meantagiomu kahatoꞌano Anano Lahataꞌala namaiꞌao te surugaa. Nepulaoꞌaondo naꞌa Yesus, nefowanuno Lahataꞌala nomaiꞌao ne mate, fofosalamatinomo maiꞌao ne amahano Lahataꞌala mada kaowu.

1 Tesalonika 4:16

Wakutuu anaꞌa natifetingke pahinta, malaꞌekati bhalano nakumei bhe duhuleleno Lahataꞌala damuntoe. Ne naꞌamo dua wutono Ompu nasumampu namaiꞌao te surugaa, maka marasaeano ne Kristus toka komate-mateno namaꞌindulu namodadida.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Ibrani 12:22

Tamaka nopoꞌala bhe hintimiu. Hintimiu hatoomu ne kabhawono Sion, ne kotano Lahataꞌala dumadino, kotano Yerusalem te surugaa, ne kantawundo malaꞌekati ntini hewu-hewuno.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.