Filipi 3:2 - Muna Southern Dialect

² Kodhagaomu ne mie mehabuno modaino, kodhagaomu ne daꞌu andoa maitu, patudhundo dafofosuhu daesuna, gahaꞌa detoto kaowu ulundo mie.

Filipi 3:2 Iomraidhean Croise

Matius 24:10

Dabhahi so humunsano kaparasaeando, daposungku-sungkuꞌao ne kokuasano bhe dapobansi-bansi.

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Matius 7:6

“Bara mongkilo koise waꞌane daꞌu, bhahaa nosuli nokokapeko. Muntiamu koise ohoane wewi, bhahaa nopokafindaꞌiane.”

Roma 2:28

Miendo Yahudi sakotuꞌuno, suano mie meangkafino sabhaha kaneando Yahudi; pedamo dua mie nesuna sakotuꞌuno, suano kaowu kasunano mbadha doangkafi kaneando Yahudi.

2 Korintus 11:13

Kapaꞌamo andoa maitu dompaharasu-rasulu, kahadhaando debhohe-bhoheꞌi mie, desahangka kaowu peda rasuluno Kristus.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Galatia 5:15

Tamaka ane sadhia posia-siakaomu, posiꞌondoomu bhahasaa mobinasaomu kosasawimiu.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Filipi 3:19

Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

2 Petrus 2:22

Podiundo nopokantibha mpuu bhe wambano kapalenda aini “O daꞌu suli nososo tongkano, o wewi mada mekadiuno nosuli toha nofelembo.”

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.

Powoha 3:9

Tandaiꞌe! Ne itu nandoo mie kumonano wutondo miendo Yahudi, gahaꞌaitu suano, andoa dokopaha, sakotuꞌuno andoa maitu umatino Kafeompuꞌando seetani. Andoa naꞌa amowada damai se hintimiu, dalumongko te wisemiu maka damandeꞌaane putae hintimiu aoasiangkoomu.