Filipi 3:11 - Muna Southern Dialect

¹¹ Ane nada naꞌa, aposahunaꞌao nada amai maka Lahataꞌala tetewei namowanu kanau dua maiꞌao ne mate.

Filipi 3:11 Iomraidhean Croise

Lukas 14:14

Ane nada naꞌa hintu kodawua mpuu, kapaꞌamo andoa maitu miina bhe ae-aenondoa so kabhoosino habu metaamu. Habu metaamu naꞌa nabholosiangkoe Lahataꞌala nahumato kawanuꞌando mie banara maiꞌao ne mate.”

Yohanes 11:24

Ambano Marta, “Ingka apandeꞌaane namanu namaiꞌao ne mate nahumato kawanuꞌando mie mate ne Oleono Kiama.”

Tula-tulando rasulu 23:6

Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 26:7

O dhandi anaꞌa nentaa-ntaandomo dua miendo Israel ompulu haa sampuꞌano, kakampuu-mpuuꞌandomo dosombai Lahataꞌala mentae mohondo. Kolaki Agripa nefosibhalaku, kasungkuꞌando miendo Yahudi ini ingka mbaꞌinomo aposahunaꞌao ne dhandi anaꞌa.

Tula-tulando rasulu 27:12

Mbaꞌinomo kalabuꞌa aitu miina naetaaꞌa dolabuane weo wulano bhaha, maka kapoindaloꞌando mie bhahi dahumelamo kansuhu dakumampo-kampooli ampa dahumato kotano Feniks, patudhundo weo wulano bhaha dalumabu ne naꞌa. Feniks naꞌa seꞌonu kota kalabuꞌano bhangka ne witeno Kreta, nofewise humanda bhaha somba bhe bhaha molanga.

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

1 Tesalonika 3:5

Dadiꞌanomo, mbaꞌinomo miinamo natitagalia kakambano lalo mani, tatudumo Timotius, amandeꞌao kaowu koeateno kaparasaemiu. Kapaꞌamo nomihiangkoomu laloku, bhahasaa nopoolikoomu kawudhuno Kafeompuꞌando seetani sampe nasumia-sia kawule mani.

2 Tesalonika 2:3

Tangkanomo, nada ae maka dua, koise undaomu dabhohe-bhoheꞌikoomu! Kapaꞌamo paeꞌo nahumato oleono Ompu anaꞌa, tetewei nandumandoo wawo kahungga bhalano, dabhahi mie so humunsano kaparasaeando. Tetewei dua seemie manusia foliuno kadai namotiumba wutono, toka nefotantuno so binasano ⸤ we narakaa⸥ .

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 11:35

O hobhineꞌi suli doꞌawa mie nemoasiꞌaondo toka mateno, hampano suli dodadi. Nandoo dua nesikisaa ampa domate, dokiido damobebasida hampano gaondo suli dadumadi ne dadi sedhuluꞌano kataa.

Powoha 20:5

Anoamo ini kawanuꞌando mie mate kabhao-bhaono. Tamaka mie mateno sigaoꞌano pae damanua ampa namalusi sehewu taꞌuno naꞌa.