Filipi 3:10 - Muna Southern Dialect

¹⁰ Ampamo sehonda kapoindaloku: amandeꞌao Kristus, amandeꞌao dua kuasa kawanuꞌano maiꞌao ne mate, bhe aeala dawu weo kakadee-deeno, neanomo asekatu bhe Anoa weo mateno.

Filipi 3:10 Iomraidhean Croise

Matius 20:23

Ambano dua Yesus, “Uumbe daanumo, mohoꞌuomu ne kampohoꞌuꞌaku, tamaka kaengkohaꞌa ne kema tawa ne suana suano Idi so motantue. Kaengkohaꞌa anaꞌa pada dofontaa-ntaaꞌandae mie toka nepilino Amaku.”

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Roma 8:29

Andoa padamo nopilida Lahataꞌala mpini kabhao-bhaono, padamo dua nofotantuda mpini wawono dasekatu bhe Anano. Pedamo anaꞌa Anano maitu nembalimo titiisa, o aino dobhahi.

Roma 8:36

Notibuhi weo Kitabi peda aini, “Hampano Hintu taewiseki mate suhue oleo, dokona kainsami dhumba so nesumbele.”

2 Korintus 1:10

Maiꞌao ne balaano mate mobhibhiisano maitu padamo nofosalamati kainsami bhe nandoo dua namosalamati kainsami. Anoamo neposahunaꞌao mani mpuu tetewei sadaa-daa namosalamati kainsami.

2 Korintus 1:5

Kapaꞌamo taeꞌawamo kakadee-dee pontalabhi-labhino hampano kaseꞌisentoomu bhe Kristus, pedamo dua anaꞌa taeꞌawa kalawesi pontalabhi-labhino noangka ne Kristus.

2 Korintus 13:4

Daanumo kanaleno Kristus notiwoha wakutuuno dokantaiꞌe te sau salipu, tamaka ampa aitu nodadi hampano kuasano Lahataꞌala. Pedamo dua anaꞌa, insaodi seꞌiseno bhe Anoa taonale, tamaka hampano kuasano Lahataꞌala tadumadi tapoowa bhe Anoa so kaetaaꞌamiu.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Galatia 6:17

Panda-pandano, koemo bhe mosabha kanaua, hampano bhemo ponteno ne uluku inia, katandaino idi ini fehebuaꞌano Yesus.

Efesus 4:13

Ane nadamo aini, intaodiomu kotu-kotuꞌu daseꞌisemoomu weo kaparasaea bhe napototomo dua pomaꞌanantoomu ne Anano Lahataꞌala; daembalimoomu mie tumangkano dadi, dhulu oleo dhulu kasangka peda wutono Kristus foliuno kasumangka.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

2 Petrus 1:13

Kaomponano paeꞌo ahumunsa mbadha kasaraku ini, aabhiemo dua takaku sadhia ameꞌulaiangkoeꞌomu bhahi-bhahiꞌae ini.

1 Yohanes 2:3

Ane deangkaomu ne pahintano Lahataꞌala, ingka o katandainomo dopandeꞌaoꞌomu Lahataꞌala.

1 Yohanes 2:5

Tamaka mie mangkafino bhoasaono Lahataꞌala, nosangkamo kanini kaasino ne Lahataꞌala. Aitumo katandaino dodadi doseꞌise bhe Lahataꞌala.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.